19 Shilde, 2019 Barlyq aımaqtar О́zgertý

Kaıdzenge qatysty 3 ótirik

О́zińizge neshe ret ýáde berdińiz? Jańa jyldyń alǵashqy kúninde me? «Dúısenbide bastaımyn» dep ózińizdi neshe ret sendirdińiz? Negizinen ózińizge berilgen ýáde 4 aıdyń ishinde oryndalmasa ýáde tolyqtaı umytylady.

Qazirgi tańda ózgergisi keletin, jańashyldyqqa umtylǵysy keletinderdiń sany kóp. Biraq... Biraq adamdarǵa túrli faktorlar keri áserin tıgizedi. Jalqaýlyq, óz-ózine senimsizdik, qorshaǵan orta taǵy basqa sebep bolatyn faktorlar bar.

О́z boıyńyzdaǵy kemshilikterden arylyp, jańashyldyqty úırenýge kaıdzen júıesiniń amal-tásilderi kómektesedi. Biraq japonııalyq júıe týraly qate túsinikter de joq emes. Kaıdzen týraly mıfterdiń tizimin Qamshy.kz aqparat agenttigi oqyrman nazaryna usynady.

1-mıf: О́zgertý jáne ózgerý qıyn ári uzaq prosess

Adamǵa tolyqtaı ózgerý úshin birneshe kún nemese apta da jetkilikti. Árıne bul adamnyń ózgerýge degen shynaıy nıeti men ynta-jigerine tikeleı baılanysty. Eger kúnde bir jańa ádet bastap únemi qaıtalasańyz, sizdi quttyqtaımyn! Sebebi siz alǵa jyljyp, jeńiske jetip kelesiz. Adamnyń eń birinshi jaýy — ózi, óz nápsisi. Siz ózgelermen emes ózińizben, ishki "menińizben" jarysyńyz. Sonda ǵana ómirde jetistikke jetesiz.

2 mıf: Kaıdzendegi únemi jáne úzdiksiz qaǵıdasy arqyly nátıjege qol jetkize almaısyz

Joq! Qate! Iá kaıdzen júıesindegi basty qaǵıdalardyń biri – únemi jáne úzdiksiz nemese az-azdan jáne úzdiksiz. Bul zertteýden ótken qaǵıda. Atalmysh qaǵıdany álemdegi kez kelgen bıznesmen, tabysty ári tanymal adamdar qoldanady. Sondaı-aq ózgelerge úıretip júr. Mysaly, siz bir kitapty oqýdy bastadyńyz delik. Eger siz kúnde kitaptyń 10 betin oqysańyz, 10-15 kúnde kitapty aıaqtaısyz. Biraq siz kitapty kúnde emes, ár kezde árqalaı oqysańyz, mıyńyzda shashyrańqylyq paıda bolady. Kitapty belgilengen ýaqytta aıaqtaýyńyz da múmkin. Biraq mańyzdy aqparattardy este saqtaı almaısyz. Sol sebepti kez kelgen adamǵa bul qaǵıdanyń zııanynan paıdasy kóbirek.

3-mıf: Erejesiz, qaǵıdasyz ómir qyzyǵyraq

Iá, kaıdzen júıesindegi qaǵıdalardy, amal-tásilderdi aıtqan kezde erejemen ómir súrgisi kelmeıtin jandar osyǵan uqsas pikirlerdi bildirip jatady. Alaıda qyzyq pen rahat bár sáttik ekenin de umytpaý kerek. Siz qazir ózgeriske umtylǵyńyz kelmedi. Aldaǵy birneshe jyl boıy osylaı júre berýińiz ábden múmkin. Biraq siz 5 jyldan keıin qazir ózgermegenińiz úshin ókinesiz be? О́kinbeıtinińizge senimdi bolsańyz, árıne osy qalypta jalǵastyra berińiz. Al óz jaýabyńyzǵa senimdi bolmasańyz, sizdiń janyńyzdyń óz qalaýy bar degen sóz. Ishteı bir nárseni qalaısyz, armandaısyz, biraq ony syrtqa shyǵarǵyńyz kelmeıdi. Bul ózgeriske umtylǵysy keletin adamnyń sıpaty. О́kinbesteı ómir súrý úshin qazirden bastap ózińizdi qolǵa alyńyz!

Iá adamnyń syltaýy da, sebebi de taýsylmaıdy. Biraq biz birqatar qate pikirlerge jaýap bere aldyq dep oılaımyn. Qazirgi qoǵam jańashyldyqqa umtylǵan adamdarǵa muqtaj. Al qoǵamǵa qajet adam bolǵyńyz kele me, álde joq pa, ony ózińiz sheshesiz...