17 Shilde, 2019 Álem
Ánshilerge bıliktiń ruqsatynsyz án aıtýǵa tyıym salyndy
Mınıstrdiń aıtýynsha, eger adam ánshi bolamyn dep sheshse, onyń mádenıet mınıstrligi maquldaǵan arnaıy repertýary bolýy kerek dep esepteıdi.
Sheshenstannyń mádenıet mınıstri ánshilerge kez-kelgen jerge án aıtýǵa tyıym saldy dep habarlaıdy Qamshy.kz aqparat agenttigi KTK telearnasyna silteme jasap.
Sheshenstannyń mádenıet mınıstri Hoj-Baýdı Daaev áleýmettik jelide tanymal bolǵan eldiń pop-ánshilerine bıliktiń ruqsatynsyz ánderin jarııalap, konsert qoıýǵa tyıym saldy. Daaevtyń mýzykanttarmen kezdesýin "Groznyı" memlekettik telearnasy kórsetti.
Sıýjette YouTube kanaly sońǵy kezde "sheshen dástúri men erejesinen aınalyp ótip", keń aýdıtorııaǵa óner kórsetetin alańǵa aınalyp ketti delingen. Sıýjet arasynda mádenıet mınıstri Daaevtyń óziniń jumys bólmesinde pop-oryndaýshylardyń biriniń beınebaıanyn kórip, "sózderi de, qaıyrmasy da joq" deıdi. Mınıstrdiń aıtýynsha, eger adam ánshi bolamyn dep sheshse, onyń mádenıet mınıstrligi maquldaǵan arnaıy repertýary bolýy kerek dep esepteıdi.
Sheshenstan basshysy Ramzan Kadyrovtyń buıryǵy boıynsha mádenıet mınıstrligi janynan arnaıy komıssııa qurylǵan. Atalǵan komıssııa maquldaǵan kezde ǵana, ánshiler halyqqa bara alady.
Ánshi Aıýb Vaharagovtyń Sheshenstan mádenıet mınıstrine jaqpaı qalǵan áni:
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir