Álem Lıderleri Nazarbaev týraly ne oılaıdy?

Jaqynda Qyrǵyz Respýblıkasynyń Prezıdenti Almazbek Atambaev qazaq Kóshbasshysyna óziniń jyly lebizin bildirgen sózderi qazaqstandyq BAQ-ta jaryq kórdi. Bul ózge memleketter basshylarynyń Nursultan Ábishulynyń saıası bedeline qatysty aıtyp otyrǵan alǵashqy lebizi emes. Buǵan deıin de álem kóshbasshylary qazaq oǵlany týraly oılaryn ashyq aıtyp keledi. «Qamshy» portaly solardyń bir sypyrasyn nazardaryńyzǵa usynady.

Almazbek Atambaev, Qyrǵyzstan Prezıdenti:

«Men qyrǵyh halqy atynan, osy eldiń Prezıdenti retinde, Qazaqstan Prezıdenti - bizdiń aqsaqalymyz, asa mártebeli Nursultan Ábishulyna kórsetip otyrǵan kómegi men qoldaýy úshin úlken alǵysymdy aıtamyn. Meniń bul sózim keıbireýlerge unamaı qalýy múmkin. Degenmen Nazarbaev myrza tek Qazaqstannyń ǵana kóshbasshysy emes, ol - álem lıderliriniń biri. Ol búkil túrki jurtynyń maqtanyshy. Onyń eńbek joly búkil álemde beıbitshilik ornatýǵa baǵyttalǵan»

Djordj Býsh, AQSh Prezıdenti (1989-1993jj.):

« Sizdiń «ıadrosyz álem» jobańyz bul – jahandyq saıasattaǵy eshkim qaıtalaı almaıtyn qadam boldy. Men jáne Amerıka halqy Sizge jáne Qazaqstan halqyna qashanda iltıpatymyz erekshe. Sizdiń qıyn-qystaý kezeńderdegi ustanǵan saıası jáne ekonomıkalyq reformalaryńyz – álemdik saıasattaǵy úlken jetistik dep bilemiz. Budan ári de Qazaqstan men AQSh arasyndaǵy dostyq, yntymaqtastyq baılanys nyǵaıa túsetinine senimim kámil.

Barak Obama, AQSh Prezıdenti:

«Prezıdent Nazarbaev álemdik saıasattaǵy eń bedeldi tulǵalardyń biri. Onyń «Iаdrolyq qarýsyz álem» jobasy- álem kóshbasshylaryn tań qaldyrǵan joba boldy. Qazaqstan – ıadrolyq qarýdan óz erkimen bas tarta otyryp, álemdegi eń beıbit, turaqty memleket qurýdyń jarqyn úlgisi boldy. Iаdrolyq qarýdan bas tartý arqyly – qazaqstandyqtar álem elderiniń qaýipsizdik kepiline ıe boldy. Bul óz kezeginde Qazaqstandy álemdegi eń turaqty memleketke aınaldyrdy».

Vladımır Pýtın, Reseı Prezıdenti:

«Nursultan Ábishuly saıasatqa erte kelgen. Ol sonaý keńestik kezeńdegi bıliktiń ókili. Meniń tań qaldyratyny – erte ýaqyttan beri saıasatta júrgenimen – ol óte jańashyl adam. Men kúni búginge deıin onyń osy jańashyldyǵyna qaıran qalamyn. Men jaqynda Nursultan Ábishulynyń jańa qasıetin tanydym. Ol daýly, sheshimi qıyn jaǵdaılarda – sentımentaldy adam bola alady. Ol uqypty ári ádil basshy. Qazaqstan úshin Nazarbaev – tarıhı tulǵa. Ol qazaq halqy úshin tuńǵysh Prezıdent qana emes, ol qazaq memleketiniń negizin qalaýshy».

Kofı Annan, BUU bas hatshysy (1997-2006jj.):

«Qazaqstan- ózge de TMD elderimen salystyrǵanda erekshe memleket. Onda turaqtylyq, beıbitshilik jáne ekonomıkalyq ósim bar. 1991 jyly Prezıdent Nazarbaevtyń bastamasymen, Qazaqstan óz erkimen ıadrolyq qarýdan bas tartqanda, biz Nazarbaevtyń osy bir bastamasyna qaıran qalǵan bolatynbyz. О́ıtkeni BUU álem elderin ıadrodan bas tartýǵa úndep kele jatqanyna 60 jyldan asty. Biraq nátıje joq edi. Munyń bári Prezıdent Nazarbaevtyń eńbegi».

Pan Gı Mýn, BUU bas hatshysy:

«Prezıdent Nazarbaev álemdik saıasattaǵy bitimger saıasatker. Onyń saıası sheshimderi álem basshylary úshin úlgi bolýy tıis».

Margaret Tetcher, Ulybrıtanııa preer-mınıstri (1979-1990jj.):

«Qazir jahandyq saıasatta 5-6 iri saıası oıynshylar bar. Solardyń biri – Nursultan Nazarbaev. Men oǵan qatty senemin jáne onyń bastamalaryn qoldaımyn». Abdolla Gúl, Túrkııa Respýblıkasynyń eks-prezıdenti:

«Biz Qazaqstan Prezıdenti Nursultan Nazarbaevtyń Táýelsiz qazaq memleketin qurýdaǵy túrki halyqtarynyń birligin nyǵaıtýdaǵy eńbegin joǵary baǵalaımyz. Osy oraıda sizdi «Túrki elderiniń aqsaqaly» deı kele ústińizge aq shapan jaýyp, basyńyzǵa aq bas kıim kıgizýge, qolyńyzǵa kıeli asa taıaq ustatýǵa ruqsat etińiz. Siz búkil túrki jurtynyń lıderisiz!» Rejep Taıyp Erdoǵan, Túrkııa Prezıdenti:

«Asa qadirmendi Prezıdent myrza, meniń aıaýly baýyrym! Aldyńǵy jyly Túrkııadaǵy Prezıdentti ulyqtaý rásimine siz arnaıy kelip qatystyńyz. Men muny sizdiń maǵan ǵan emes, barsha túrik jurtyna qurmetińiz dep túsinemin. Siz túrki jurtynyń aqsaqaly retinde Qazaqstan men Túrkııa arasyndaǵy baýyrlastyqty nyǵaıtýǵa aıanbaı ter tógip kelesiz. Men sizdi úlgi tutatynymdy jasyrmaımyn».

Islam Karımov, О́zbekstan Prezıdenti:

«Men bilemin, dúnıede erekshe jaratylǵan adamdar bolady. Olardyń aqyly jyl uzarǵan saıyn arta beredi. Qarapaıym adamdarda qartaıǵan saıyn jadynan jańylyp, qarttyqtyń kóleńkesine súıenedi. Al dara týǵandar kerisinshe bolady. Olarǵa Alla Taǵala danalyq bergen. Olar Allanyń erekshe súıgen quldarynan bolsa kerek-ti. Prezıdent Nazarbaev osyndaı azamat!

Aǵylshyn jáne túrik tilderinen aýdarǵan Nurgeldi Ábdiǵanıuly