• USD 378.65
  • EUR 430.07
  • RUB 6
  • CNY 55.1
17 Shilde, 21:17:16
Ulttyq qoǵamdyq senim keńesiniń erejesi men quramy bekitildi

24 Maýsym, 2019 Oqıǵalar

Arys qalasynyń ákimdigi resmı málimdeme jasady

Arys qalasynda bolǵan jarylysqa baılanysty qala ákimdigi resmı málimdeme jasady

Túrkistan oblysy Arys qalasynda bolǵan jarylysqa baılanysty qala ákimdigi resmı málimdeme jasady dep habarlaıdy Qamshy.kz aqparat agenttigi. 

«24 maýsym saǵat 09:20-da órt sóndirý qyzmetine №44856 áskerı bólimniń qoımasynda jarylys bolyp, órt shyqqany týraly habarlama kelip tústi. Oqıǵa ornyna oblystyq TJD jeke quramynyń 52 adamy men 12 tehnıkasy jumyldyryldy. Sondaı-aq Shymkenttegi kınologııalyq qyzmettiń 23 adamy attandyryldy. Qazirgi tańda oqıǵa ornynda órt sóndirý sharalary men evakýasııalyq jumystar júrgizilýde. Tótenshe jaǵdaıdan zardap shekkender týraly aqparat anyqtalýda», - delingen Arys qalasy ákimdiginiń resmı málimetinde.

Osy jaǵdaıǵa baılanysty Túrkistan oblysy ákimdiginiń basshylyq quramy oqıǵa ornyna attanyp ketti.

Arys qalasyndaǵy áskerı bólimniń qoımasynda jarylys bolǵandyǵy týraly buǵan deıin habarlandy. Shymkent qalalyq TJD shuǵyl jeli qurdy.

QR Qorǵanys mınıstrligi resmı aqparat taratyp, osy ýaqyttaǵy jaǵdaı boıynsha qaza bolǵandar men zardap shekkender joqtyǵyn málim etti. «Mınıstrlik tarapynan oqıǵa ornyna arnaıy komıssııa jóneltildi», - dedi vedomstvodan.  



Qate tapsańyz, qajetti bólikti tańdap ctrl+enter basyńyz.

Pikir qaldyrý

0 pikir