• USD 378.65
  • EUR 430.07
  • RUB 6
  • CNY 55.1
22 Tamyz, 07:14:21
Senim údesinen shyqqan bank

20 Maýsym, 2019 Barlyq aımaqtar

Mınıstr minberden: memleket kásipkerlerge nesıe berý kerek

Nesıe kólemi iri eken. Ne maqsatta bermek. Tarqatamyz.

Ulttyq ekonomıka mınıstri Rýslan Dálenov ústimizdegi jyldyń tamyz aıynan bastap "Bıznestiń jol kartasy – 2025" jospary qabyldanady dep jazady Qamshy.kz aqparat agenttigi.

Onyń aıtýynsha, jańa qujattardaǵy múmkindikterge sáıkes, kásipkerlerdiń aınalym shyǵynyna kómek berý maqsatynda bólinetin qarajattyń jalpy quny 60 mıllıon dollardan 360 mıllıon dollarǵa deıin artpaq.

"Bul kómekti básekege qabilettiligi jáne ónimdiligi tómen kásipkerler ala alady. Osylaısha biz qazynadan bólingen qyrýar qarajatty utymdy jumsap, eldegi ekonomıkalyq ósýdi qalyptastyra alamyz", - dedi Dálenov.

Budan bólek, Ulttyq ekonomıka mınıstrligi eldegi keı kásipkerlerdi qarjylaı emes, biraq túrli baǵyttarda qoldamaq. Mınsıtrdiń aıtýynsha, bızneste jańa tehnologııalardy jetik meńgerý, IT-servısterdi tolyq taný syndy dúnıeler óz deńgeıinde emes. Osyǵan oraı, mınıstr túrli kýrstar men biliktilikti arttyratyn tájirıbelik jumystar uıymdastyrýdy kózdep otyr.

"Jańa jol kartasynyń josparlaryna sáıkes, kásipkerlerdge beriletin qarapaıym nesıe kólemin 20 mıllıonnan 60 mıllıonǵa deıin arttyrý kózdelýde. Sondaı-aq, osy jobaǵa mıkroqarjylyq uıymdardy banktermen birge tartpaqpyz. Bul jobany júzege asyrýǵa aıtarlyqtaı úles qosady. Qazirgi ýaqytta shaǵyn nesıe beretin qarjylyq uıymdar orta jáne shaǵyn kásipti qoldaýdaǵy negizgi qarjy kózi bolyp otyrǵany ras", - dedi Dálenov.

Sondaı-aq, atalǵan jobada nesıe alýdyń baǵyttary keńeıtilip, franshızalardy alý máselesi sheshilgen jáne sýbsıdııaǵa taǵaıyndalatyn syıaqy mólsheri de kásipkerlerge qolaıly.

"Sonymen qatar, jańa bıznes-ıdeıalar úshin memleketten beriletin granttar mólsheri 3 mıllıonnan 5 mıllıonǵa deıin artady. "Bıznestiń jol kartasy - 2025" baǵyty aıasynda 30 myńnan astam jańa jumys oryny paıda bolmaq. Al salyqtyq túsimniń kólemi 1,3 trln. teńgege deıin kóteriledi", - dep túıdi sózin mınıstr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir