Mańǵystaýlyq Zınaıda álem chempıonatynyń qola júldegeri atandy

Zınaıda Sergeevna Sankt-Peterbýrg qalasynda 55 kg salmaq dárejesinde qyzdar arasyndaǵy jekpe-jekten ótken dodada jeńiske jetti. 37 memleketten 200-den asa úmitker baq synaǵan saıysta ol 5 jyl boıy jınaǵan tájirıbesin kórsetti. Jalpy, komandalyq esepte Qazaqstan quramasy 3 altyn medal ıelenip, 2-orynǵa shyqqan. Mańǵystaý oblysynyń tarıhynda buryn sońdy bolmaǵan jeńisti syılaǵan ol bul jarystyń ońaı bolmaǵanyn aıtady. Alǵashynda chehııalyq qarsylasyn shań qaptyrsa, ırandyq baqtalasy da Zınaıdadan jeńilgen. Al, ózbekstandyq áriptesinen jeńilis tapsa, 4 oıynda belorýstyq sportshyny jeńip, kúmis medal taǵyndy.

«Bul jarys ońaı bolmady. Men oǵan kóp daıyndaldym. О́zbekstandyq qarsylasymmen oıyn kezinde birneshe qatelikter jiberip aldym. Moıyndaımyn. Biraq marapattaý sátinde atym atalǵanda erekshe sezimde boldym. Baqytty sátimdi alǵash ret telefon arqyly árdaıym meni qoldap júrgen anammen bólistim. Osy oraıda, jattyqtyrýshym Rafık Eıvazovqa sheksiz rızashylyǵymdy bildiremin. Meniń jeńisim úshin qýanyp jatqan «Jas Batyr» sport mektebi ujymyna da rahmet», - dedi Zınaıda Beloýsova.

Qazirgi ýaqytta Zınaıda 27-maýsymda jekpe-jek saıysynan Almaty qalasynda ótetin irikteý týryna jáne tamyz aıynda Germanııada bolatyn álem chempıonatyna qyzý daıyndyq ústinde. Qyz bala úshin qanshalyqty qıyn bolsa da, bolashaǵyn osy salamen baılanystyratynyn da jasyrmady.