05 Maýsym, 2019 Foto-baıan

Quny $1 000 000-nan asatyn álemdegi eń qymbat 14 sýret (foto)

Keıbir fotosýretter qaıta órleý dáýirindegi eń ataqty sýretshilerdiń jumystarymen teń dárejede baǵalanady.

Ol fotosýretter nesimen qundy? Kúndelikti kórip júrgen mıllıondaǵan selfı men janýarlardyń, adamdardyń sýretterinen aıyrmashylyǵy qandaı? Ol fotosýretterdi sondaı joǵary deńgeıde baǵalaýdyń sebebi qandaı?

Endeshe, nazarlaryńyzǵa álemdegi eń qymbat fotosýretterdi usynamyz.

1. Pıter Lıkom: «Fantom» ($6,5 mln)

1999 jyly Pıter Lık túsirgen fotosýrettiń ataýy – «Fantom». Onyń quny  6,5 (!) mıllıon dollar. Bul búgingi tańdaǵy álemdegi eń qymbat fotosýret. Pıter Lık muny Arızona shtatyndaǵy Antılopa shatqalynda júrgende túsirgen eken.

fantom

2. Andreas Gýrskı: «Reın-II» ($4,33 mln.)

Bul fotosýret ǵalamtor jelisin sharlap ketkeli qaı zaman. Avtory: Andreas Gýrskı esimdi nemis azamaty. 1999 jyly túsirilgen sýrettiń ataýy – «Reın-II». Fotosýrettiń quny – 4 338 myń dollar. Gýrskı — ataqty fotosýretshi. Onyń toptamasynda mıllıon dollarǵa satylǵan birneshe sýreti bar.

Sýrette bógetter arasyndaǵy nemistiń Reın ózeniniń jańbyrly kúngi beınesi. Birinshi nusqasynda elektrstansııa, ótip bara jatqan adamdar, ıt bolǵan. Avtor onyń bárin fotoshoppen alyp tastaǵan. Bul «Reın» toptamasyndaǵy sýretterdiń biri ǵana.

Fotosýret 2011 jyly Christie’s aýksıonynda satyldy. Eń alǵashqy satyp alýshy keln galereıasynyń qojaıyny Monıka Shprıýt bolǵan. Keıin ony belgisiz kolleksııa jınaýshynyń qolyna ótken.

Andreas Gýrskı

3. Sındı Sherman: «№ 96» ($3,89 mln.)

Amerıkanyń ádettegiden tys erekshe fotosýretshisi Sındı Shermannyń bul jumysy qoıylymdyq sýret túrinde túsirilgen. Avtordyń qymbatqa baǵalanyp, keń taralǵae sýreti 1981 jyly túsirilgen. Ataýy – № 96. Fotosýretti 3 890 myń dollarǵa satqan. Sýrette aqquba qyz: jıren shashty, sekpili bar, sarǵylt kıimmen.  Jasóspirimniń qolynda tanysý týraly habarlandyrý jazylǵan gazet qıyndysyn ustap jatyr. Sýret  2011 jyly Christie’s aýksıonynda satylǵan.

Sındı Sherman

4. Gılbert Prosh pen Djordj Passmor: Asa Mártebeli Hanymǵa ($3,765 mln)

Brıtandyq sýretshiler: Gılbert Prosh pen Djordj Passmor perfomans-sýret janrynda jumys jasaǵan. Kollajdarynda ár adam sýretshi, ál onyń ómiri óner týyndysy degen maǵynany bildiretin bolashaqtyń áleýmettik beınesin kórsetýge tyrysqan.Passmor

5. Djeff Ýoll: «О́lgen jaýyngerler sóıleıdi» ($3,66 mln.)

«О́lgen jaýyngerler sóıleıdi» —  degen ataý alǵan fotosýrer, shynyn aıtqanda, fotosýret emes. Ol Djeff Ýolldyń asqan sheberligimen jasaǵan kollajy. Sýretti 1992 jyly aýksıonda 3 666 500 dollarǵa satylǵan. Bir qaraǵanda shynaıy sııaqty kórinedi. Biraq ol qoıylym. Sýrettiń jelisi 1986 jylǵy Aýǵanstandaǵy soǵysty beıneleıdi. Akterlerdi jaýyngerlerdeı kıindirip, Djeff Ýolldyń stýdııasynda sýretke túsirip, keıin fotoredaktor arqyly óńdegen. 

Djeff Ýoll

6. Rıchard Prıns: «Kovboı» ($3,4 mln.)

2001–2002 jyldary Rıchard Prıns Marlboro úshin fotosýret túsirip, oǵan «Kovboı» degen ataý berdi. 2007 jyly «Kovboıdy» Christie’s aýksıonynda 3,4 mıllıon dollarǵa satty.

Rıchard Prıns

7. Andreas Gýrskı: «99 sent» ($3,34 mln.)

Andreas Gýrskıdiń «99 sent —II» sýreti 2001 jyly túsirilgen. Sýret «99 sent» dúkeniniń bir kúnin kórsetedi. Sýrettiń áıgili bolyp ketken sebebiniń biri, taýardy rettestirý jaǵynan sýrettiń stıli perfeksıonızmge tym jaqyn ári suranystyń joǵary ekendigin kórsetip turǵandyǵy bolsa kerek. «99 sent —II» fotosýretin kolleksııa jınaýshy adam 3 346 456 dollarǵa satyp alǵan.

99 sent

8. Andreas Gýrskı: «Chıkago saýda palatasy —III» ($2,35 mln.)

Andreas Gýrskıdiń 2 355 597 dollarǵa satylǵan ataqty sýretteriniń biri – «Chıkago saýda palatasy—III» dep atalady. Ol 1999 -2009 jyldar aralyǵynda túsirilgen. Bul sýretti túsirýge ruqsat berilgen. Úlken kólemdi (shamamen 185 ×240 sm) sýret Chıkago saýda palatasynyń jumys kúnderiniń birin kórsetedi. Eger sýrett ulǵaıtyp qarasa, qyzmetkerlerdi, kompıýterlerdi, tipti kıimderin de anyq kórýge bolady.  Sýret 2013  jyly eki mıllıonnan da kóp aqshaǵa satyldy.

Chıkago saýda palatasy

9. Edvard Shtaıhen: «Aı nuryna shomylǵan toǵan» ($3 mln.)

Edvard Shtaıhenniń bul sýreti  tereń maǵynaǵa nemese erekshe tańǵajaıypqa ıe. Onyń ereksheligi men baǵasynyń qundylyǵy mynada  — «Aı nuryna shomylǵan toǵan» sýreti fotoóner tarıhyndaǵy eń alǵashqy túnde túsirilgen túrli-tústi sýret. Shtaıhen ony 1904 jyly túsirgen. Búginde onyń quny 3 mıllıon dollar.

Aı nuryna shomylǵan toǵan

10. Sındı Sherman: № 48 ($2,965, mln.)

Sındı Sherman sýreti týraly: «Boıjetkenniń kelbeti kórinbeıtindikten, bul sýret erekshe bolyp turǵan shyǵar. Ol kórermenge teris qarap tur. Sondyqtan, árkim onyń júzin ártúrli elestetedi» - deıdi.  

Sındı Sherman

11. Sındı Sherman: «№ 153» ($2,7 mln.)

Sındı Shermannyń 1985 jyly túsirilgen № 153  sýreti — Hıchkok stılindegi fılm kadry emes. Sýretshi-perfomansısttiń bul erekshe sýreti 2010 jyly 2 700 myń dollarǵa satylǵan.

Sındı Sherman

12. Nıý-Meksıkalyq Fort Samner : «Bıllı Kıd» ($2,3 mln.)

Bıllı Kıd degen Nıý-Meksıkalyq Fort Samnerdiń dál ózi. Ol búginge deıin saqtalǵan tek osy sýreti arqyly ǵana tanymal. Sýret shamamen  1879–1880 jyldary túsirilgen. Bul erekshe sýretti beıtanys toptama jınaýshy birneshe jyl buryn  2,3 mıllıon dollarǵa satyp alǵan.

Bıllı Kıd

13. Dmıtrıı Medvedev: «Tobyl Kremli» ($1,7 mln.)

«Tobyl Kremli» qaıyrymdylyq maqsattan uıymdastyrylǵan «Rojdestvolyq azbýka» aýksıonynda birden satylyp ketti. Jumystyń quny Reseı baǵamy boıynsha — 51 mln rýb. (2009 jyly kýrs baǵamy boıynsha  $1,7 mln). Sýrettiń ereksheligi avtorynyń kim ekendiginde. Bul sýretti 2009 jyly Reseıdiń burynǵy prezıdenti Dmıtrıı Medvedev ekskýrsııa samǵaý kókten, tym bıikten túsirgen.  

Tobyl kremli

14. Alfred Stıglıs: «Djordjııa O’Kıf» ($1,47 mln.)

1919 jyly Alfred Stıglıs sýretshi Djordjıı O’Kıftiń shabyttanyp turǵandaı áser qaldyratyn ádemi qolyn sýretke túsirgen.  «Djordjııa O’Kıf» sýreti 2006 jyly qysta nıý-ıorktyń Sotheby’s aýksıonynda 1 470 myń dollarǵa satylǵan.

Alfred Stılgıs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir