05 Maýsym, 2019
Ámirjan Qosanov: Aýyzashar mınımıtıngige aınaldy
Prezıdenttikke úmitker Ámirjan Qosanov óziniń áleýmettik jelidegi paraqshasynda saılaý datasynyń musylmandar úshin qasıetti sanalatyn Ramazan aıyna tuspa-tus kelgeniniń oń jaqtary týraly jazdy.
Úmitkerdiń paraqshasyndaǵy jazbany Qamshy.kz aqparat agenttigi qaz-qalpynda berýdi jón sanap otyr. Kandıdat jazba sońynda qazaqstandyqtardy Aıt merekesimen quttyqtady.
"Árıne, Orazanyń orny bólek. Biraq osy joly bılik prezıdenttik saılaý naýqanyn dál Ramazan aıyna taǵaıyndap, bárin saıasılandyryp jiberdi.
Áý basta osyndaı tańdaýy úshin bılikti synaǵanym da ras.
Biraq, keıin qarap otyrsam, bul sheshimniń oń tusy da joq emes eken. Sebebi sol - Oraza kezinde dúıim qazaq aýyzasharda júredi. Iаǵnı, kúnde ne qonaq shaqyrady, ne qonaqqa barady.
Sóıtip, árbir aýyzashar eldegi osy kúngi eń ózekti másele - saılaýdy talqylaıtyn mınımıtıngke ulasyp ketti!
Kún saıyn keshki saǵat toǵyzdan keıin meniń de qulaǵym shýlaı bastatyny sodan bolsa kerek...
Mine, qasıetti Ramazan aıynan soń - Oraza aıt keldi. Qabyl bolsyn! Barshamyzǵa qutty bolsyn!
Igi nıettiń bári, sonyń ishinde Qazaqstanda Bostandyq, Shyndyq, Ádilettik saltanat quratyn jańa qoǵam, jańa bılik qurý týraly tilekter qabyl bolsyn, aǵaıyn!"
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir