03 Maýsym, 2019 NEWS
Toqaev lańkesterdiń qolynan qaza tapqan batyrdyń otbasymen kezdesti
N.Nazarbaevtyń Jarlyǵymen Tarazda 2011 jyly 12 qarashada lańkesterdiń qolynan qaza tapqan Ǵazız Baıtasovqa erligi men batyldyǵy úshin «Halyq qaharmany» ataǵy berilgen bolatyn.
Qazaqstan Prezıdenti Qasym-Jomart Toqaev Jambyl oblysyna sapary barysynda batyrdyń otbasy turyp jatqan shańyraǵyna bardy, dep habarlaıdy Qamshy.kz aqparat agenttigi Aqordaǵa silteme jasap.
Memleket basshysy jumys sapary barysynda batyrdyń otbasy turyp jatqan úıge bardy. Qazaqstan Prezıdentine qyzmet barysynda erlikpen qaza tapqan Ǵazız Baıtasovtyń qurmetine qoıylǵan eskertkish taqta, onyń fotosýretteri, medaldary men jeke zattary kórsetildi.
Qasym-Jomart Toqaev Halyq qaharmanynyń jubaıymen jáne uldarymen áńgimelesý barysynda Ǵazız Baıtasovtyń óte jaýapty ári qıyn sátte óz isine adal bolǵanyn, onyń erligi eshqashan umytylmaıtynyn erekshe madaqtady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir