• USD 378.65
  • EUR 430.07
  • RUB 6
  • CNY 55.1
21 Tamyz, 09:55:21
Alpınısterdiń naqty qaı jerde ekeni áli belgisiz

30 Mamyr, 2019 Aımaqtar

Taraz qalasynda bıyl 86 sport alańshasy salynady

Nurbol Júnisbekov atqarylyp jatqan jumystar jóninde baıandady.

Jambyl oblysynyń ákimdiginde oblys ákimi Asqar Myrzahmetovtyń tóraǵalyǵymen óńir aýdandary men Taraz qalasynda shaǵyn sport alańshalaryn salý máseleleri qaraldy. Kún tártibindegi másele boıynsha oblys ákimdiginiń dene shynyqtyrý jáne sport basqarmasynyń basshysy Nurbol Júnisbekov atqarylyp jatqan jumystar jóninde baıandady.

  Aıta ketý kerek, buǵan deıin oblys  basshysynyń tikeleı tapsyrmasyna sáıkes, óńirde barlyq sport nysandaryna zerdeleý júrgizilip, olardyń ishindegi 203 nysannan túrli deńgeıdegi aqaýlar anyqtalǵan bolatyn. Búginde 132 sport nysanyna jóndeý jumystary júrgizilip, qalpyna keltirildi. Endigi kezekte 68 nysan boıynsha jóndeý jumystary júrgizilmek. Onyń ishinde 17 nysan Taraz qalasyna, qalǵandary aýdandarǵa tıesili.

  Asqar Isabekuly bul jóndeý jumystaryn ýaqyt sozbaı  aıaqtaýdy júktedi. Sondaı-aq, mektep sport zaldaryn turǵyndarǵa barynsha qoljetimdi etý kerektigine aıryqsha kóńil bóldi. О́ńir basshysy mektep sport zaldarynyń jazǵy demalysta  jabyq turmaýyn, tek keshki ýaqytta ǵana emes, kúndizgi mezette de turǵyndardyń ıgiligine jumys isteýin qamtamasyz etýdi basa aıtty. Buǵan óz kezeginde bilim basqarmasy retteý, baqylaý sharalary arqyly atsalysý kerek. Mektepke qarasty sport  alańshalarynyń da turǵyndarǵa qoljetimdiligin  nazar ustaý tapsyryldy.

  Basqosý barysynda sport nysandardyń materıaldyq-tehnıkalyq bazasy, olardyń kútip ustaý máseleleri de jan-jaqty talqylandy. Taraz qalasyndaǵy qoldanystaǵy 200-den asa sport alańshalaryn birneshe sport túrin qamtıtyn ámbebap alańshalar retinde yńǵaılastyrýdyń mańyzdylyǵy aıtyldy. О́ńir basshysy bıýdjet qarajatyn kereksiz dúnıelerge jumsaýdan góri, osyndaı ıgilikti isterge utymdy paıdalaný kerektigin, bul baǵytta halyqtyń suranysyn qanaǵattandyrý aıtarlyqtaı qomaqty qarajatty qajet etpeıtindigin tilge tıek etti.

  Sondaı-aq, jıynda oblys boıynsha sport alańshalarynyń jalpy qajettiligi saralandy. Basqarma basshysy turǵyndardyń usynys-suranystary men basqarmanyń zerdeleý jumystarynyń nátıjesinde óńirde barlyǵy 200-den astam sport alańshasynyń qajettiligi anyqtalǵanyn jetkizdi. Onyń 86-sy oblys ortalyǵyna tıesili bolyp otyr. Asqar Isabekuly bul qajettilikterdi bir jyldyń ishinde sheshý kerektigin atap ótip, ol úshin jaýapty tulǵalarǵa naqty tapsyrmalar júktedi.  Bul baǵytta tıisti esepteýler men taldaýlar júrgizý, jumys josparyn qurý úshin jaýapty tulǵalarǵa naqty tapsyrmalar joldanyp,  bes kún ýaqyt berildi.

Dýlat Aıtbaı

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir