Alyp qashýdyń aqyry: 7 jylǵa sottaldy

Qyzylordada qalyńdyǵyn alyp qashpaq bolǵan jigit pen onyń sybaılastaryna qatysty sot úkimi shyqty dep habarlaıdy Qamshy.kz aqparat agenttigi Zakon.kz saıtyna silteme jasap.

Atalǵan oqıǵa 2018 jyly shildede oryn alǵan. Sottalǵandardyń biri eki aýyldasymen kezdesip, olarǵa úılengisi keletinin jáne buryn kezdesken boıjetkendi alyp qashý týraly oıyn aıtady. Sóz baılasqan úsheý Qyzylordaǵa kelgen.

Bolashaq kúıeý jigit boıjetken turatyn úıdi ańdı bastaǵan. Tańerteń qyzdyń jumysqa jaıaý ketip bara jatqanyn kórgen jigit oǵan jetkizip salýdy usynady, biraq boıjetken kelispegen.

–Sodan soń ol qyzdy zorlyqpen kólikke otyrǵyzyp, olar aýdannan shyǵa bastaıdy. Alaıda, jyldamdyqty asyrǵany úshin kólikti polısııa qyzmetkerleri toqtatqan. Dál sol sátte boıjetken polısııa qyzmetkerlerinen kómek suraǵan. Artynsha jigitter qyzdy zorlyqpen alyp qashqandary úshin aýdandyq polısııa bólimshesine jetkiziledi. Atalǵan qylmystyq is Qyzylordanyń №2 sotynda qaraldy. Jigitter QR QK 125 babynyń 2 (adam urlaý) bóligine sáıkes jaýapqa tartyldy. Úsheýine de atalǵan bapqa sáıkes 7 jylǵa shartty túrde bas bostandyqtarynan aıyrý jazasyna kesildi, - dep habarlady sot ókilderi.

Usynǵan: Dáýren Sybanbaı