Batys Qazaqstanǵa tóngen qaýip: Kim kináli? (vıdeo)

Elimizdiń batys óńiri aınaldyrǵan bes-alty jylda shól dalaǵa aınalýy múmkin Ásirese, Aqtóbe men Atyraý oblystarynyń tamshy sýǵa zar bolatyn túri bar. Osylaı dep dabyl qaqqan ekologtar úndeý jarııalady dep habarlaıdy Qamshy.kz aqparat agenttigi KTK telearnasyna silteme jasaı otyryp.

О́ıtkeni ózen-kólderdi tazartýǵa arnalǵan jobalar qurdymǵa ketip, jer astyndaǵy aýyz sýdy munaı kompanııalary bylǵap bolǵan. Al jobany júzege asyrýshylar ekologııanyń nasharlaýyna turǵyndar kináli dep otyr

Tabany tartylǵan ózen. Jaǵasyndaǵy qýraǵan aǵash. Bul Aqtóbe aınalasyndaǵy segiz ózenniń qazirgi kórinisi. Ekologtar buǵan aldymen ózen arnasyn tazartýǵa kiriskenderdi kinálaıdy.

Sý qoımasynan ylǵal jiberip qansha jerden arnasyn toltyrmaq bolsa da, ózen tabanyndaǵy bulaq kózderiniń bitelýinen sý jınalmaıdy eken. Úmbetáli Sársenbın, ekolog-ǵalym:

"Ol sýdyń astynda bulaq bolýy, kózderi jabylyp qalyp tur. Qazir endi kóp jerler batpaqqa aınalyp ketti. Onyń bári ósimdik tamyryna áser etedi. Iаǵnı eko júıe buzylǵan. Segiz ózendi tazartýǵa qatysty jobany ázirlegen ınjenerler bolsa ózderine shań jýytpaıdy. О́zen arnasynyń keýip qalǵanyn kerisinshe turǵyndardan kórip otyr",- deıdi

Erken Tájiǵalıev, "Antares Platenıým" JShS bas ınjeneri:

"Kópshilik ekologııalyq apatqa alyp keldi dep bizdi aıyptap otyr. Oǵan esh negiz joq. Jobany ázirleýge bilgir mamandar, ǵalymdar tartyldy. О́zenderdiń qurýyna turǵyndar kináli. Bizder segiz ózenniń boıynan qurylys materıaldarynan bastap, qoqystyń túr-túrin taptyq. Tazarttyq. Ekologtar aınaldyrǵan bes-alty jylda qala irgesindegi segiz ózennen basqa, aımaqta barlyq sýly jerdiń keýip qalatynyn aıtýda. Tipti isherge nár taba almaı tentirep ketemiz dep dabyl qaǵady. Sebebi, elimizdiń batys aımaǵyn tirshilik nárimen qamtyp otyrǵan "Kókjıde" jer asty sý basseıniniń ózi munaımen bylǵanǵan.",- dep málimdeme jasady.

Marına Sygankova, ekolog:

"Aqtóbe men Atyraý óńirleri shól dalaǵa aınalady. Sýdyń deńgeıi túsip ketti. Sý qory tym az. Munaı kompanııalary jerasty sýlarynyń túgin qaldyrmady. Qory baı "Kókjıdeniń" ózi búlinip jatyr.",- dep pikir bildirdi.

Ekologtar jınalyp keńes quryp, úndeýlerin de jarııalady. Onda Aqtóbe óńirindegi sýǵa qatysty máseliniń bárin tizip jazypty. Aldymen ózen-kól tabanyndaǵy bulaq kózderin biteýdi toqtatýdy suraǵan. Al elimizdiń batys aımaǵyn aýyz sýmen qamtı alatyn "Kókjıdege" munaı kompanııalaryn jolatpaýdy bıliktegilerden talap etipti.

Usynǵan: Bek Baıtas