Saılaýaldy debatta úmitkerler aýyldy jaqsartamyz dep ýáde etti

Caılaýaldy teledebat "Habar" arnasynda ótti dep jazady Qamshy.kz aqparat agenttigi. 

Teledebatta jerebe tastaý ádisi arqyly alǵashqylardyń bir bolyp Qasym-Jomart Toqaevtyń atynan Máýlen Áshimbaev sóz aldy. Debatqa qatysýshylardyń reti boıynsha Máýlen Áshimbaevtan keıin Tóleýtaı Rahymbaev, Jambyl Ahmetbek, Sádibek Túgel, Ámirjan Qosanov, Azat Perýashev, Álı Bektaev, Amangeldi Taspıhov óz ustanymdaryn tanystyrdy. 

Debat barysynda el ekonmıkasyn damytý boıynsha ár kandıdat óz usynysyn ortaǵa saldy. Prezıdenttikke úmitkerlerdiń basym bóligi aýyldy damytý jumystaryn qolǵa alamyz dep ýáde etti. Shaǵyn jáne orta bıznesti damytyp, kásip ashýǵa nıetti jastardy qoldaımyz dep málimdedi.

Birinshi kezeńniń ekinshi bóliminde Sádibek Túgel Ámirjan Qosanovqa: "Ámirjan halyqqa bos ýáde berip júrsiz. Aýyldy damytý úshin qandaı usynys aıtasyz?", - dep suraq qoıdy.

"Qazirgi bıliktiń aýylǵa degen qarym-qatynasyna túbegeıli qarsymyn. Aýyldaǵy shaǵyn jáne orta bıznesti damytyp, kásipkerlierdi 3 jylǵa deıin salyqtan bosatqymyz keledi. Aýyl sharýashylyǵy ónimderin óńdeý oryndaryn ashý basty maqsatymyz. Bizdi saılaýshylarymyzdyń deni aýyldan", - dep jaýap berdi Qosanov. 

Sonymen qatar ekinshi kezeńniń ekinshi bóliminde bilim salasyna basty nazar aýdaryldy. Bilim salasynda mınıstrlerdi aýystyra berý durys emes degen pikirlerin jetkizdi. 

Esterińizge sala ketsek, debatqa Qasym-Jomart Toqaevtyń atynan Máýlen Áshimbaev, Danııa Espaevanyń atynan Azat Perýashev, Tóleýtaı Sataıulynyń atynan Álı Bektaev qatysty.

Daıyndaǵan: Sábet Marjan