29 Mamyr, 2019
Elimizde 6 jasar balany mektepke bermese, ata-anasyna aıyppul salynady
Vıse-mınıstrdiń sózinshe, 6 jasar balalardyń 70 paıyzynan astamy oqýshylar qataryn toltyrǵan.
Qazaqstandyq 6 jasar balalardyń ata-analary olardy birinshi synypqa bermese, 5-ten 10 AEK-ke (12 625 - 25 250 teńge) deıin aıyppul salynýy múmkin dep habarlaıdy Qamshy.kz aqparat agenttigi ktk.kz saıtyna silteme jasap.
Bul týraly bilim jáne ǵylym vıse-mınıstri Elmıra Sýhanberdıeva málimdedi.
Mınıstrdiń orynbasarynyń sózinshe, bastapqyda mınıstrlik mundaı ata-analarǵa eskertý jasaıdy. Artynsha qatań sharalar qoldanyla bastaıdy.
Sýhanberdıeva 6 jasar balalardyń ata-analaryn ýaqytynan buryn ýaıymdamaýǵa shaqyrdy. Balalardyń bári oqý baǵdarlamasyn ıgere alady, deıdi ol.
Vıse-mınıstrdiń sózinshe, 6 jasar balalardyń 70 paıyzynan astamy oqýshylar qataryn toltyrǵan. BǴM elimizdegi barlyq mektepke balabaqsha men shaǵyn ortalyqtarǵa barmaǵan balalardy daıyndaýǵa arnalǵan 3 aptalyq kýrs engizýdi josparlap otyr.
"Ata-analardyń bári jaqsylap oılanady dep oılaımyn. Balalardyń 7 jasynan bastap mektepke barýyn talap etetin ata-analar bar. Biraq olar az. Alaıda barlyq ata-anany taǵy da tynyshtandyrǵym keledi. Bul ádettegi tájirıbe, ata-analar ýaıymdamasa bolady. Jańartylǵan baǵdarlama balanyń oqýǵa enip ketýine barynsha yńǵaıly, ár balanyń ereksheligi eskeriletindeı etip daıyndalǵan. Sondyqtan munda eshqandaı problema joq», - deıdi Elmıra Sýhanberdıeva.
Usynǵan: Maqpal Sembaı
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir