Qosanovtyń saılaý shtaby qoldaýshylaryna qatań eskertý jasady (vıdeo)

9 maýsymda ótetin kezekten tys prezıdent saılaýyna kandıdat Ámirjan Qosanovtyń saılaý shtaby úmitkerdi qoldaýshylarǵa eskertý jasady dep jazady Qamshy.kz aqparat agenttigi. 

Bul týraly Facebook jelisinde Ámirjan Qosanovtyń saılaý shtabynyń jetekshisi Dáýren Babamuratov málimdedi. Ol óz málimdemesinde Qosanovty qoldaýshylarǵa "áleýmettik jelilerde ártúrli memder, plakattar jáne basqa kandıdattardyń ar-namysyna tıetin de agıtasııalyq materıaldar jasalyp, olar shynaıy ómirde ár jerge jabystyryla bastaǵan" dep, óz kezeginde qoldaýshylardyń bul áreketi Qosanovtyń saılaý shtabyna keri áserin tıgizetinin aıtty. 

"Qurmetti Azamattar! Sizderdiń erekshe qoldaýlaryńyzǵa raxmet aıta otyryp, bir mándi eskerte ketýdi jón sanadyq. Agıtasııalyq materıaldardyń daıyndalýy zańmen qatań rettelgen. Bul suraqqa bizdiń shtabta zańger jaýap beredi. Dál sol ýaqytta áleýmettik jelilerde ártúrli memder, plakattar jáne basqa kandıdattardyń ar-namysyna tıetin de agıtasııalyq materıaldar jasalyp, olar shynaıy ómirde ár jerge jabystyryla bastaǵan. Bul jaǵdaıdyń bizge zııany tıýi ábden múmkin, sebebi zańǵa qaıshy keletin tustary bar. Dál osyndaı jaǵdaı ruqsat etilmegen sherýlerge de qatysty. Qalyptasqan jaǵdaıda zańsyń bolyp tabylatyn áreketterdi áleýmettik jeli betterinen óshirýdi, ne ózgertýdi suraýymyz múmkin. Bul ótinishterge túsinistikpen qaraısyzdar dep senemiz. Izgi qurmetpen Ámirjan Qosanovtyń saılaýaldy shtaby", - dedi Dáýren Babamuratov.

Esterińizge sala keteıik, 9 maýsymda Qazaqstanda kezekten tys prezıden saılaýy ótedi. Qazirgi ýaqytta OSK tirkegen 7 kandıdat saılaý aldy úgit-nasıhat jumystaryn júrgizip jatyr. 

♦Oqı otyryńyzdar: Halyq Qosanovqa qarajatyn qımaı ma?