Abaev: Analarǵa baspana bersek, baqytty bolyp kete me?

Qazaqstan aqparat jáne qoǵamdyq damý mınıstri Dáýren Abaev 16 mamyr kúngi analardyń narazylyǵy týraly pikir bildirdi dep jazady Qamshy.kz aqparat agenttigi Azattyq Radıosyna silteme jasap.

Azattyq tilshisine bergen suhbatynda Abaev anaý aıtqandaı ashylyp dáneńe demegen. Bar bolǵany suraqqa suraqpen jaýap qatqan mınıstr narazy analarǵa baspana bergenmen olardyń baqytty bolyp ketpeıtinin meńzep otyr.

"Máselen, keshe Astana ekonomıkalyq forýmy ótip jatqanda bir top kóp balaly ana shyǵyp, baspana berýdi talap etti. Olar kóp balaly analardy memleket baspanamen qamtamasyz etýi kerek dep sanaıdy. Birinshiden, biz olarǵa baspana bersek, olar baqytty bolyp kete me? Ekinshiden, bul máseleni sheshe me? Memleket baspanamen qamtamasyz etý úshin qyrýar qarjy bólýge daıyn ba? Bálkim biz jaǵdaı jasap, soǵan basymdyq berýimiz kerek", - dedi Abaev.

Esterińizge sala keteıik, 16 mamyrda bir top kóp balaly jáne jalǵyzbasty analar bılikten baspana máselesin sheshýdi surap, Nur-Sultanda narazylyqqa shyqqan. 

♦Oqı otyryńyz: Elordadaǵy mıtıng: Sultanov suraqqa jaýap berýdi ǵana bile me? (vıdeo)