Qyrǵyzdan 38, tájikten 2, ózbekten 7, AL QAZAQTAN 67 MYŃ...Lenın men Stalındik júıeni tildep, suńqyldaǵannan shyqqan qazaqtyń múıizi káni?

Ǵylymda RESENTIMENT  degen túsinik bar. Muny Abaı ólshemine aınaldyrsaq: «...О́zimniń ıttigimnen boldy demeı, jeńdi ǵoı dep shaıtanǵa bolar kómek».  Iаǵnı, óz miniń men kináńdi moınyńa almaı, ózgege jabý degen maǵynaǵa saıady.

Erteń  Qazaqııaǵa  Alla jetkizse, 31  MAMYR týady.  Bul barshamyzǵa belgili SAIаSI  QÝǴYN-SÚRGIN   QURBANDARYN  ESKE  ALÝ  KÚNI.

Dálirek aıtsaq, Stalın men Goloshekınniń jeti babasyn jeldeı kóshirip, arýaǵyna anofema aıtyp, qarǵys jaýdyratyn kún. Bul bizdiń turaqty túsinigimiz ben myzǵymas kózqarasymyzǵa  aınalǵany qashan...

Qurmetti  oqyrman qaýym, sizder  durys paıymdaǵandaryńyz  jón, biz bul arada  qos  qandyqoldy  aqtamaqqa  eshqandaı da  talpynys jasap  otyrǵanymyz joq.  О́ZIMIZDI SÚTTEN AQ, SÝDAN TAZA, О́ZGELERDI  KISÁPIR  SANAITYN  sábı sanamyz (ınfantılızm) týrasynda ǵana azyraq sóz shyǵyndap otyrmyz. Aıtalyq, Keńes odaǵynyń tutas terrıtorııasyn sharpyǵan qandy repressııadan  slavıan tektesterdi sóz qylmaǵanda  qyrǵyzdan 38, tájikten 2, ózbekten 7,  AL  QAZAQTAN  67  MYŃ ADAMNYŃ  AJAL  QUShÝYN NENDEI  QISYNDARMEN  TÚSINDIRE  ALAR  EKENBIZ? Atqan Stalındik júıe ekendigi aıdaı bolǵanymen, ATQYZǴAN KIM?

31 MAMYR - otqa umsynǵan párýana kóbelekteı tyzaq qaqqan  OSY SAÝALDARǴA BARShA QAZAQTYŃ UIаT PEN UJDAN ALDYNDA TIK TURYP JAÝAP BERETIN KÚNI.

Ult bolyp uıysqan bolsaq, baıybyna endep, О́Z IShIMIZGE ÚŃILIP, OQIǴADAN OI TÚIERMIZ. El bolýdan ketisken bolsaq, О́Z minimizdi  taǵy da О́ZGEGE jabarmyz. Orysty, onyń ishinde Lenın men Stalındik júıeni tildep, suńqyldaǵannan  shyqqan qazaqtyń  múıizi káni?

 Oılansaq netti...