"Ananyń kóńili balada..." Analardyń ómirinen 11 shynaıy ıllıýstrasııa (foto)

Eki balanyń anasy ıllıýstrator Marııa Gorbýnova óziniń kúndelikti tirshiligin qaǵaz betine túsiripti. Sýretterdiń shynaıy shyqqany sonsha ózge analar árbirinen ózderin kóredi eken. Shyndyq pen ıýmordy qatar beınelegen Marııanyń ıllıýstrasııalaryn Qamshy.kz aqparat agenttigi nazarlaryńyzǵa usynady. Muny kórgen analar bir kúlip, bir jylap alar.

Al kettik...

«Dárethana esiginiń qulpy buzylyp qalǵandyqtan ishten qolmen bar kúshińmen ustap otyrýyń kerek. Alaıda 13 kelilik qyzym Mıra úshin ol esikti ashý túk te emes. Dál men kirgen ýaqytta qolymen ári-beri julqylap, dárethanamyzdyń esigin ashyp alady. Men eń kóbi 3 mınýt qana otyryp úlgeremin. Sizder she, analar?

Jáne kelesi suraǵym ákelerge: ol jaqta saǵattap qalaı otyrýǵa bolady?»

«Meniń kartınalarymdy kórip, balalarym aıqaıǵa basqannan túk bilmeıdi dep oılaıtyn shyǵarsyzdar? Joq, olaı emes. Jaraıdy, keıde bolyp turady. Mıra ósip keledi, túnde uıqysy tynysh. Iýra ǵoı úıdi shýlatyp júretin.

Besik jyry, terbetý, oınatý, kóterip júrý, jatqyzý, qaıtadan turý, besik jyry, terbetý, oınatý... bir túnim tańǵa osylaı ulasady. Já, eshteńe etpes, balalarymyz boı jetip, er jetken soń uıqymyzdy qandyrarmyz, ıá, analar?»

«Balalarmen saparǵa shyǵýdyń ózi bir jumys. Serejanyń taza shalbaryna Mıranyń jegen tamaǵy jabysyp qalǵan. Ol negizi ushaqta balalardyń shýyn kótere almaıdy. Endi qaıtemiz? Úırenýge týra keledi, sebebi óz balalary tynymsyz».

«Búgin tańǵy asqa brokkolı, kespe jáne muzdalǵan jıdekten kompot ázirledim. Jaǵdaı osylaı...»

«Balalarym úshin dep qymbat, sapaly, maqtadan jasalǵan, arnaıy Italııadan ákelingen jórgektiń 10 danasyn aldym. Tanystarym bireýiniń ózin uzaqqa shydaıdy degen. Biraq ony meniń balalarym kıdi ǵoı, joq-joq shydamady. Tipti jórgekterdiń qaıda jatqanyn tappaı qaldym. Aqyr sońynda kúıeýim dúkenge baryp, ádettegi jórgekterdi satyp ákeldi. Túsingenim – ústine ne kıilip tursa da balaǵa báribir. Eń bastysy, kebýli bolsa bolǵany».

«Balalarmen dúkenge barǵanda».

«Fýtboldan álem chempıonaty bastalǵanda úıimiz kádimgi barǵa aınalady. Al men – barmenmin».

«Keıde eki balany kıindirýge sharshap qalamyn da, bul isti kúıeýime tapsyra salamyn. Nátıjesi – osyndaı».

«Úıde synǵan ydystar, shashylǵan kıimder... Kúdikti qashan da – úsheý. Biraq úsheýine de ursa almaımyn. Eh...»

«Meniń eń kóp energııam balalardy jýyndyrǵanda ketedi. Iýra men Mıra ózimshil emes, olar ıtti de oılap júredi».

«5 mınýt tynyshtyq nemese dárethananyń esigin jabýdy umytyp ketkende...»

Daıyndaǵan: Gúlim Jaqan