"Bir bala mennen "Jumaqta tamaq kóp pe? dep surady"

Elbasy «Qazaqstannyń 100 jańa esimi» jobasynyń jeńimpazdarymen kezdesýi barysynda halyqaralyq áskerı jýrnalıst, fotograf Nazgúl Kenjetaı Sırııadaǵy soǵys jaıly aıtyp berdi, dep jazady Qamshy.kz aqparat agenttigi.

BUU jáne IýNISEF-pen seriktes bolǵan Nazgúl Kenjetaı Túrkııa men Sırııaǵa jıi saparlaıtyn. Maqsaty da aıqyn – soǵystyń shynaıy kelbetin kórsetý.

«О́zderińizge málim, álemniń ár buryshy túrli saıası, dıplomatııalyq, strategııalyq taǵy da basqa konflıktige toly. Sonyń biri – Taıaý Shyǵystaǵy Sırııa. 2014 jyldan beri stýdent bolsam da qıyn máselelerdi tereńinen zertteýdi jaqsy kórdim. Názik ǵana boıym úlken jaýapkershilikti arqalaıtyn da júretin. Osy jolda «Jumaqta tamaq kóp pe?» dep suraǵan balany da, ózennen aǵyp bara jatqan balanyń óli denesin de, óz týyn jerge taptaǵan halyqty, olardy qorǵaýǵa kúshi jetpegen erkekterdi de kórdim. Munyń bárin kórip qana qoıǵan joqpyn, álemge kórsetýge tyrystym. О́z Otany bolmaý degenniń qandaı qasiret ekenin kórsetýdi maqsat tuttym», - dedi Nazgúl Kenjetaı.

Jýrnalıstiń zertteýleri shetelde joǵary baǵalanǵan.

«Búgin bizdiń Qazaqstan tek Ortalyq Azııada emes, naǵyz qazaqtar, qazaq jýrnalısteri, qazaq tili ómir súretin jerde ornalasqan. Jahandaný degenimiz – osy», - dedi Nazgúl Kenjetaı.

Usynǵan: Gúlim Jaqan