Danelııa Týleshova amerıkalyqtardy tańǵaldyrdy (vıdeo)

Danelııa Tóleshova The World's Vest shoýyna qatysý kezinde keıbir mán-jaıdy túsindirdi, - dep habarlaıdy Qamshy.kz aqparat agenttigi tengrinews.kz saıtynyń deregin negizge alyp. Birinshi kezeńde Danelııa Rise up kompozısııasyn oryndady. Jas ánshi tóreshilerdi óz ónerimen tánti etti. Aktrısa Drıý Berrımor kóz jasyna erik berdi. Qazaqstandyq qyzdyń ónerine "tańǵalarlyq" degen baǵa berildi, al Danelııanyń ózi "vokal ǵajaıyby" degen ataqqa laıyq boldy. 

"Rise up áni maǵan qatty unaıdy. Bul shoýda ánderdi tańdaý bizge ǵana emes, prodıýserlerge de baılanysty. Biz olarǵa  oryndaı alatyn ánderdiń tizimin usyndyq. Olar meniń daýsyma saı keletin ándi tańdap aldy. Olardyń pikirinshe, bul án meniń vokal múmkindigimdi tolyq ashady", - deıdi ánshi.

Bas qazylar alqasynyń ortasha baly 47 upaı boldy. Drıý Berımor eń joǵary baǵa - 50 upaı, Rý Pol - 47, al Feıt Hıll - 45. "Álem qabyrǵasy" (álemniń túrli elderinen kelgen kóptegen qazylar alqasy) ánshige múmkin bolatyn 50 baldyń 49-yn berdi. Tek Kanadadan kelgen sarapshy qazaqstandyqqa daýys bergen joq. Nátıjesinde Danelııa Tóleshova 96 upaı jınady.

"Bul jobaǵa prodıýserler shaqyrdy, olar buryndary meniń ónerimdi kórgen eken. Olar álemniń úzdik oryndaýshylaryn, bıshilerin, sportshylaryn, sıqyrshylaryn jáne taǵy basqalaryn shaqyrady. Bul shoýda meni The Vocal Wonder ("vokal ǵajaıyby") dep ataǵanyna óte qýanyshtymyn. Men bul ataqty aqtaýǵa tyrysamyn. Endi árbir jobam burynǵylardan da erekshelenedi. The world 's Vest - múlde basqa format, basqa deńgeı, basqa aýqym", - dedi Danelııa Tóleshova.

Onyń aıtýynsha, prodıýserler qatysýshylarǵa bir-birimen qarym-qatynas jasaýǵa tyıym salǵan, al Dımash Kudaıbergenniń osy shoýǵa qatysatyny Danelııa tek sońynda bilgen.

"Shoýdyń formaty boıynsha bizge bir-birimen sóılesýge, aqparatpen almasýǵa tyıym salyndy. Sondaı-aq, biz basqalardyń óner kórsetýin kóre almadyq. Qazir men shoýdy kóre otyryp, bizben birge daıyndyq bólmesinde jáne dálizderde oınaǵan adamdar qandaı keremet nárselerdi jasaıtyndyǵyna tań qalyp otyrmyn. Básekelestiktiń óte myqty ekenin túsindim. Shoý sońynda men Dımashtyń qatysatynyn bilgende tańyrqap qaldym. Kelisimshart boıynsha biz aqparatpen almasý jáne qarym-qatynas jasaýǵa bolmaıtyndyqtan, ol meniń jobaǵa qatysatynymdy jáne men onyń qatysatynyn bilmedim. Kezdesken kezimizde, birdeı emosııada boldyq. Sonymen qatar, biz bir - birimizdi kórgenimizge qýanyshtymyz, biraq osy baıqaýda birge saıysatynymyzdy bilgende qapalandyq", - dep ánshi.

Qazaqstan atynan shyqqan ol Andra Day degen ánshiniń Rise up ánin oryndady. Bul ándi ol Ýkraınadaǵy talanttar shoýynda shyrqaǵan.

Usynǵan: Ásel Bolatqyzy