Jýrnalıske ashýlanǵan vıse-mınıstr: Jynymdy keltirmeńizshi, blın! (vıdeo)

«Shanshar» ázil-ysqaq teatryndaǵy bir ázil esime oraldy. Jýrnalıst bir baǵdarlamaǵa qoǵamdyq belsendini shaqyrady, ol habarlasqan kórermenderdiń suraǵyna jaýap berýi tıis edi. Sonda álgi qoǵamdyq belsendi «Qalamyzdy sý shaıyp ketti, Ne isteımiz?» degen kórermenniń suraǵyna: «Men ne isteı alamyn? Aıaǵyma botı kıip alyp baraıyn endi, sender jaqqa?! Qyzyqsyńdar ı?» dep ashýlanyp shyǵa keledi. Al taǵy bir kórermen habarlasyp «Densaýlyq úshin 100 gramm ishse bola ma, bolmaı ma?» degen suraǵyna belsendi erekshe rıza bolyp, «suraqtyń kókesi sondaı bolý kerek» degenge keltiredi. Bul ázili arqyly teatr «el úshin qyzmet etip júrgenderdiń sıqy osyndaı» degendi kórsetpek bolǵany anyq qoı. Iá, teatrdyń ázili shynaıy ómirge ene bastady. Muny bizdiń sheneýnikterimiz dáleldep berip jatyr.  

Qostanaı oblysy ákiminiń orynbasary "osyrdy" (vıdeo)

Keshe bir ákim halyq aldynda sóılep turyp, «osyryp» edi. Búgin taǵy bir sheneýnik tilden súrindi. Ol ne deıdi deısizder me? О́zinen suhbat alyp turǵan jýrnalıstke «Jynymdy keltirmeńizshi, blın» dep bóse saldy. Al búıtip aıtqan kim deseńizder, Qazaqstan Respýblıkasy Ulttyq ekonomıka vıse-mınıstri – Serik Jumanǵarın. Mınıstrlik ókiline jýrnalıstiń tarıf boıynsha qoıǵan saýaly unamaı qalǵan bolýy kerek, qabaǵyn shytyp aldy da «Jynymdy keltirmeńizshi, blın» dedi.

Vıdeony Nurjan Sópbekov óziniń YouTube  arnasyna júktedi. Vıdeoǵa nazar aýdarsaq, Serik Jumanǵarınge jýrnalısterdiń eshbir suraǵy unamaǵan sekildi. Tipti «Meniń aldyma resmı túrde kelińder, senderge bárin aıtyp beremin!» degen sheneýniktiń qabaǵy bir ashylmaı qoıdy. Alaıda jýrnalıster ony erkine jibere me, suraqty jaýdyrta berdi, jaýdyrta berdi. Túbi osylaı boldy.

Serik Jumanǵazın 2017 jyldan beri Ulttyq ekonomıka vıse-mınıstri bolyp qyzmet atqarady. 

Bul taǵaıyndaýǵa deıin Serik Jumanǵarın eki jyldan astam QR UEM Tabıǵı monopolııalardy retteý jáne básekelestikti qorǵaý jónindegi komıtetti basqardy. 

Jumanǵarın ár jyldarda Ekonomıkalyq damý jáne saýda mınıstrligi О́ńirlik saıasat jáne bıýdjetaralyq qatynastar departamenti dırektory bolyp jumys istedi, О́ńirlik damý komıteti tóraǵasy laýazymyn atqardy, respýblıkanyń О́ńirlik damý mınıstriniń orynbasary boldy.

Túrli mınıstrlikterde basshylyq qyzmetten túspeı kelgen sheneýniktiń áli kúnge deıin mádenıettilikti úırene almaı kele jatqany ókinishti.