Prezıdent saılaýy. Álemdik BAQ ne dedi?

Brıtandyq VVS agenttigi

"Qazaq saılaýy Kóshbasshy paıdasyna sheshildi"

Qazaq Prezıdenti Nursultan Nazarbaev elde keńinen kútilgen, merziminen buryn ótkizilgen saılaýda 97,7 paıyzben jeńiske jetti. Eldiń OSK daýys berýshilerdiń rekordtyq nátıjesi 95,11 paıyz bolyp, belsendilik kórsetkishi artty dep málimdedi.

74 jastaǵy Nazarbaev myrza osymen besinshi ret qatarynan jeńiske jetip otyr. Saılaýda Nazarbaev myrzanyń jeńiske jetinine eshqandaı kúmán bolmaǵan.

Prezıdent Nazarbaev Ortalyq Azııadaǵy munaıǵa baı eldiń turǵyndaryna ekonomıkalyq jáne áleýmettik turaqtylyqty ýáde etti. Al onyń eki qarsylasy esh qaýqar tanyta almady. Osylaısha Nazarbaev myrza esh kedergisiz, saılaýda jeńiske jetti.

Halyqaralyq "Reuters" agenttigi

"Turaqtylyq" mantrasy qazaq kóshbasshysyn jańa merzimge saılady

Prezıdent Nazarbaev óziniń 26 jyldyq tájirbıesinde úzdiksiz jeńiske jetip keledi. Ol osy jeksenbi kúni óziniń kezekti jeńisine esh kedergisiz jetti. Tipti, onyń qarsylastary bolmady deýge bolady. Halyqaralyq quqyq qorǵaý uıymdary saılaý barysynda jiberilgen óreskel qatelikterdi nazarǵa ala otyryp, eldegi oppazısııanyń tunshyǵyp, joqqa aınalǵanyn synǵa alǵan.

Al qazaqstandyqtardyń ózderi ony "Kóshbasshy" dep aıtady jáne moıyndaıdy.

Qazaqstannyń azamattyq alıansynyń tapsyrysy boıynsha,  memlekettik emes "ekzıt-pol" uıymy saılaý qorytyndysy boıynsha Nazarbaev 97,5 paıyz jınady dep habarlaǵanymen, eldegi OSK óz nátıjelerin keıinirek málimdeıtinin jetkizgen.

Qazaqstandaǵy saılaý esh tosynsyısyz ótti jáne Nazarbaev óziniń fýtýrıstik astanasynda erkin málimdeme jasady.

"Meniń otandastarym eldegi turaqtylyq úshin, saıası men júrgizip otyrǵan saıası ustanym úshin daýys beretinine senemin. Meniń otandastarym maǵan daýys beredi dep oılaımyn",-dedi Nazarbaev myrza.

Nazarbaev myrza óz kezeginde kórshi Reseı jáne Qytaımen, AQSh jáne EO-pen berik baılanys ornatqan.

Onyń qarsylastary esh qaýqarsyz kommýnıstik partııa múshesi men eks-ákim ǵana.

Halyqaralyq "Aljazeera" telekompanııasy

"Qazaqstannyń Nazarbaevy saılaýda taǵy jeńdi"

Ortalyq Azııa lıderi eshqandaı oppazısııanyń qatysynsyz aılaýda jeńip shyqty. Ol OSK málimdemesinen buryn-aq, 97,7 paıyz daýysqa ıe bolǵanyn aıtqan. Al onyń qarsylastary bıliktiń kóleńkesindegi adamdar bolýy múmkin. 74 jastaǵy Nazarbaev munaıǵa baı, Ortalyq Azııadaǵy alpaýyt memleket Qazaqstandy 1989 jyldan beri basqaryp keledi. Jalǵan demokratııalyq eldiń turǵyndary arasynda júrgizilgen saýalnama qorytyndysy qazaqstandyqtardyń basym kópshiligi Nazarbaev myrzany qoldaıtyndyqtaryn kórsetti. 17 mıllıon turǵyny bar eldiń Prezıdentiniń resmı laýazymy Kóshbasshy. Ol 200 mıllıard dollar tikeleı shet elderden ınvıstısııa tartý arqyly Qazaqstandy Post-keńestik elder arasyndaǵy ekinshi qýatty memleketke aınaldyrdy. Qazaq saılaýynda kandıdat retinde kórsetilgen eki azamattyń biri kommýnıst Turǵyn Syzdyqov-68 jasta bolsa, ekinshisi Ábilǵazy Qusaıynov-63 jasta.

Ulybrıtanııalyq "Theguardian" basylymy

"Qazaqstandaǵy saılaý Nazarbaevtyń taq murageri týraly suraqty keıinge shegerdi"

74 jastaǵy Prezıden óziniń máńgi ornyna qaıta otyrdy.

Myńdaǵan stýdentter, sportsmender, óner juldyzdary, qaljyraǵan ardagerler, júıkeleri juqarǵan muǵalimdermen birge barsha qazaqstandyqtar qoldaryna jalaýsha ustap, óz lıderlerin qoldady.

Qazaqstan 1991 jyly táýelsizdik alǵaly beri Prezıdent laýazymynan túspeı kele jatqan Nazarbaev úlken minberde ózine aıtylǵan aq tilekterge masaıyp turdy. Qazaq kóshbasshysy Nazarbaev - 8 mıllıon áıel ǵashyq bolǵan keń júrekti, fılosof, teńdessiz saıasatker, bar qazaqtyń ustazy. Ol ádettegideı esh kedergisiz ótken saılaýda jeńiske jetti.

Reseılik "Rossııa24" arnasy

"Qazaqstandaǵy merziminen buryn ótkizilgen saılaý jeńimpazy - Nazarbaev"

Qazaqstanda ótkizilgen merziminen buryn saılaýda Pýtınniń eń mańyzdy qoldaýshysy, qazaq kóshbasshy Nazarbaev jeńiske jetti. Aldyn ala shyǵarylǵan qorytyndy boıynsha ol saılaýshylardyń 97,7 paıyz daýysyna ıe bolǵan.

Aǵylshyn tilinen aýdarǵan Nurgeldi Ábdiǵanıuly

Sýret: aljazeera.com