"QAZAQTARǴA RAHMET AITATYN KÚN" QAI KÚN BOLÝY TIIS? (SAÝALNAMA NÁTIJESI)

Búgin  Elbasy Nursultan Nazarbaev Qazaqstan halqy Assambleıasynyń HHII sessııasynda sóılegen sózinde "Qazaqstan ejelden osylaı kópultty boldy dep sanaıtyndar tarıhty bilmeıtinder" deı kele, Qazaqstandy meken etetin barlyq etnos ókilderine jańa merekeni - "Qazaqtarǵa rahmet aıtý kúnin" usyndy. Sonymen qatar,  Elbasy elimizdiń halqy ótken ǵasyrda oryn alǵan oqıǵalardy este saqtaýy kerektigin atap ótti. Qazaqstanda memleketqurýshy ulttyń statýsy jaıly buǵan deıi de baspasóz betterinde aıtylyp kelgen bolatyn. Osy rette, biz Elbasynyń assambleıa sessııasynda usynǵan bastamasyna oraı belsendi áleýmettik jeli paıdalanýshylaryna saýalnama joldaǵan bolatynbyz. Atalmysh saýalnama qorytyndysyn nazarlaryńyzǵa usynamyz.

Aýyt Muqıbek, aqyn:

-О́te durys aıtylǵan sóz der edim. Qazaqstan halqy assamblııasyna shynynda bir mereke kerek-aq! Men oǵan osyǵan deıin "Jańa jyl" dep toılanyp kelgen "Birinshi qańtardy" usynar edim. Shynyn qýǵanda bizdiń Jańa jyl merekemiz 22-naýryz. Qazaqtar sol náýbet jyldary súrginge ushyrap, zorlyqpen jer aýdarylǵan halyqtardy, eń bastysy, qaqaǵan sýyqtan, úsikten aman alyp qaldy. Sondyqtan 1-qańtardy sol Qazaqtarǵa rahmet aıtý kúni etip belgilesek, bul kún mereke retinde tez qabyldanady dep oılaımyn!.

Qanat Áýesbaı, "Qazaqstan 2050" jalpyulttyq qozǵalysynyń medıa dırektory:

 - Menińshe, "rahmet aıtý kúni" 30 mamyrǵa belgilense óte oryndy. Onyń ertesine 31 mamyr qýǵyn-súrgin qurbandaryn eske alý kúni bolady. Qazaq jeri sonaý qıyn-qystaý jyldary talaı ult pen ulysqa pana bolǵan meken. Endeshe qýǵyn-súrginge ushyrap, japa shekken halyqtardyń qazaq eline alǵystan ózge aıtary joq bolýy tıis. Azaptalyp, aıdalyp kelgen ulttarǵa ózi qınalyp otyrsa da, sońǵy nanyn bólip bergen qazaqtyń meımandostyǵy, keń qushaqtyǵy, janashyrlyǵyna elimizdegi túrli dıasporalar 30 mamyr kúni razylyqtyń iltıpatyn kórsetse, ertesine 31-i kúni qazaqpen birge qýǵyn kórgen babalarynyń rýhyna birge taǵzym kórseter edi. Dəl osy 30 mamyr kúni qazaqtar da óz kezeginde tosylyp qalmaı, qazaq jeriniń shańyraǵyn birge kóterisip, ýyǵynyń nyq turýy úshin úles qosqan barsha ult pen ulystarǵa aq alǵysyn jaýdyrsa da quba-qup bolar edi

Jylbek Senbekuly, jýrnalıst:

 - 1 mamyr - Qazaqstan halqynyń birligi kúni ekeýi maǵynalyq jaǵynan bir emes pe?! Mereke kúnderin kóbeıte berip ne isteımiz?

Qasym Amanjoluly, jýrnalıst:

- Qoldaımyn. Negizi durys bastama. Tek sońy basqasha ózgerip: "taǵy bir kúndi orys halqyna alǵys aıtý kúni eteıik" demese boldy. Jáne prezıdenttiń bul sózin reseıshil toptar etnosaralyq jikke burýǵa tyrysýy múmkin. Bastama kóterdi me, endi bıliktiń tabandylyǵy mańyzdy. Taǵy eń sońynda meniń ýaıymym: osynyń barlyǵy qazaqtardy saılaý aldyndaǵy aldaýsyratýǵa aınalyp ketpese eken...

Aıdos Juqanuly, jýrnalıst:

Árkim qalaǵan ýaqytynda rahmetin aıtar. Mysaly, keıde, kóbine juma kúnderi Allaǵa rahmet aıtamyz. Ara-tura ata-anamyzǵa bul dúnıege ákelgeni úshin, tárbıelep, baǵyp-qaqqany úshin rahmet aıtamyz. Rahmet aıtý - saýap bolsa, 365 kúnde Elbasyǵa úzilissiz rahmet aıtatyn "Habar" agenttigi ujymymen ujmaqqa baratyn shyǵar.

Ahmet Alıaz, KATIAD - qazaq-túrik kásipkerler odaǵy dırektory:

 - Sol ulttardyń Qazaqstanǵa aıaq basqan kúnin qoısa durys bolar edi

Ámirjan Qosanov, saıasatker:

- Árıne, qazaq halqynyń basqa ult ókilderin óz jerinde panalatyp, keńdik tanytqanyn moıyndaý, ony álemge pash etý, kerek deseńiz, ol úshin alǵys aıtý - tarıhı turǵydan kerek nárse. Usynys aıtyldy. Ony qoldaý kerek. Máselen, sol kúnniń ataýyn, qaı formada atalyp ótetinin jáne taǵy basqa jaıttaryn qoǵam bop aqylǵa salý qajet. Bir nársege qarsymyn. Bul kúndi Assambleıanyń qurylǵan kúnimen baılanystyrýdyń esh qajeti joq! 20 jyl buryn ǵana qurylǵan Assambleıanyń san ǵasyrlyq tarıhy bar ol oqıǵalarǵa esh qatysy joq!

Serkan Hastúrk, "Qazaqstan-Zaman" halyqaralyq gazetiniń bas dırektory:

- Elbasynyń bul usynysy árıne quptarlyq. Qazaqstannyń nanyn jep, aýasyn jutyp júrgen ózge ulttar arasynda meıirimdilik pen tatýlyqty, birlikti arttyratyn,  bir-birlerine jaqyndastyratyn mundaı mereke kerek bizge. Barsha ult pen ulys ókilderi Qazaqstanǵa qaryzdar ekeni ras. Sondyqtan biz qoldaımyz, quptaımyz.

Daıyndaǵan Nurgeldi Ábdiǵanı