Qamshy.KZ – "Qazaq handyǵyna 550 jyl" Merekelik kesh qorytyndysy (foto/vıdeo)

Esterińizde bolsa, byltyr QR Prezıdenti N.Á.Nazarbaevtyń "Qazaq handyǵynyń 550 jyldyǵyn memleket kóleminde atap ótemiz" degen málimdemesinen keıin, alǵashqylardyń biri bolyp "Qamshy" portaly qazaq qalamgerleri arasynda shyǵarmashylyq báıge jarııalaǵan bolatyn.

Osyǵan oraı, keshe M. Áýezov atyndaǵy Qazaq memlekettik akademııalyq drama teatrynda "Qamshy" portalynyń uıymdastyrýymen "Qazaq handyǵyna 550 jyl" tolýyna oraı merekelik qorytyndy konsert bolyp ótti.

Merekelik konsert barysynda oqyrmandardyń bezbenine túsip, ádil qazylardyń tarazysynan elektelip, júldeger atanǵan shyǵarma avtorlaryna arnaıy syılyqtar men júldeler tabys etildi. Proza baǵyty boıynsha báıgeniń bas júldesin Murat Almasbekuly men Erbolat Ábikenuly ózara bólisse, poezııa baǵyty boıynsha bas júldeni aqyn Yqylas Ojaıuly qanjyǵasyna baılady. Al maqala jazýshylar arasynda báıgeniń bas júldesin ǵalym Bereket Káribaev myrza ıelendi.

Shyǵarmalardyń saıttaǵy oqylymy men pikirler sany, sondaı-aq, ádil-qazylardyń talqysymen myna shyǵarmalar júldege laıyq dep tabyldy:

Proza:

Arnaıy júlde:

Álibek Ydyrys, Nurlan Sádir, Qaster Sarqytqan

Úshinshi oryn – 50 myń teńge:

Saǵadat Ordasheva, Qýanáli Almasbek, Tóken Áljantegi

Ekinshi oryn – 100 myń teńge:

Aıgúl Kemelbaeva, Erbol Beıilhan

Birinshi oryn – 200 myń teńge:

Esbolat Aıdabosyn

Bas júlde – 500 myń teńge:

Murat Almasbekuly, Erbolat Ábikenuly

Poezııa:

Arnaıy júlde:

Omar Qurmash, Marǵulan Aqan, Janat Boqash

Úshinshi oryn – 50 myń teńge:

Retbek Maǵaz, Serik Moldabekov, Altynshapaq Haýtaı

Ekinshi oryn – 100 myń teńge:

Aqtaı Áskerhanuly, Ularbek Dáleıuly

Birinshi oryn – 200 myń teńge:

Tólegen Mellat

Bas júlde – 500 myń teńge:

Yqylas Ojaı

Maqala:

Arnaıy júlde:

Erkebulan Saırambaı, Ǵabdol Áýezov, Aıtıkov Álbek

Úshinshi oryn – 50 myń teńge:

Erbolat Qoshqarbaev(jeliles maqalalar), Beısenbaı Bekjan Kálenuly(jeliles maqalalar),Aıtkúl Shaıymqulqyzy Mahaeva,

Ekinshi oryn –100 myń teńge:

Esengúl Kápqyzy, Musataev Seıilbek

Birinshi oryn – 200 myń teńge:

Nábıjan Muhamethanuly

Bas júlde – 500 myń teńge:

Bereket Káribaev

Báıge qatysqan shyǵarmalarǵa aqyn, "Alash" ádebı syılyǵynyń laýreaty Járken Bódesh, QazUÝ Jýrnalıstıka fakýltetiniń dekany, f.ǵ.k., dosent Saǵatbek Medeýbekuly, QazUÝ Tarıh fakýltetiniń dekany, t.ǵ.k., dosent Arman Jumadilov, aqyn, QazUÝ Jýrnalıstıka fakýltetiniń ustazy Murat Shaımaran myrzalar ádil qazylyq etti.

Báıgege qatysqan barlyq júldeli shyǵarmalardyń avtorlaryna júlde qory 3,5 mıllıon teńge aqshalaı jáne zattaı syılyqtar men "Qamshy" portalynyń sımvoly - "Qamshy" tabystaldy. Al, jalpy sharaǵa 6 mıllıon teńge qarajat jumsaldy. Atalmysh qarjy demeýshilerdiń yqlas-peıilimen "Qazaq handyǵynyń 550 jyldyǵy" sharasyna jınalǵan-dy.

Sondaı-aq, Táýelsiz "Qamshy-aqparat" qoǵamdyq qory "Qamshy" portaly halyqtyń sózin sóılep, isin istep, ultyna adal qyzmet etip kele jatqan bir top azamattardy "Qazaq handyǵyna 550 jyl" medalimen marapattady. Atalmysh marapatqa zańger Abzal Quspan, Túrki akademııasynyń Prezıdenti Darhan Qydyráli, saıasattanýshy Aıdos Sarym, mesenat Baýyrjan Ospanov, OQO Ishki saıasat basqarmasynyń bastyǵy Berik Ýálı, saıasattanýshy Rasýl Jumaly, kásipker Muhtar Taıjan, saıasattanýshy, Qazaqstan strategııalyq zertteýler ınstıtýtynyń dırektory Erlan Qarın, saıasatker Ámirjan Qosanov, májilis depýtaty Nurtaı Sábılııanov, "Juldyzdar otbasy", "Ańyz adam" jýrnaldarynyń Bas redaktory Jarylqap Qalybaı, "Ult taǵdyry" qoǵamdyq qozǵalysynyń jetekshisi Dos Kóshim, ánshi, "Mýzart" tobynyń múshesi Sáken Maıǵazıev, jýrnalıst, 31 arna jańalyqtar bóliminiń jetekshisi Bolat Múrsálim, jýrnalıst Qasym Amanjol, boksshy Qanat Islam t.b. azamattar boldy.

"Qamshy" portaly uıymdastyrǵan merekelik keshke Qazaqstannyń oblystarynan ózge AQSh, Mońǵolııa jáne QHR-dan qandastarymyz kelip qatysty.

Merekelik keshtiń qurmetti qonaqtarynyń qatarynda muhıttyń arǵy jaǵynan qazaqtyń abyroıyn asqaqtatyp júrgen, qazaqtyń Qanaty - Qanat Islam baýyrymyz arnaıy kelip qatysty.

"Alash uly" bas bolyp tizginin ustaǵan merekelik konsertte Ramazan Stamǵazıev, Qońyr toby, О́mirqul Aınııazov, Janbolat pen Jazıra, Turan etno-falklorlyq ansambli, Sáýlejan Taǵzııa, Ashat Tarǵynov t.b. qazaq estradasynyń jaryq juldyzdary kórermenge tamasha kóńil kúı syılady.

Qanat Islam, boksshy:

- Qumetti baýyrlar, búgingi merekelerińiz qutty bolsyn. Bizdiń qazaq deıtin ata-balarymyzdan sóz artylmaǵan eken ǵoı. Sol ata-babalarymyzdyń ár salada aıtyp ketken sózderin týra shaınap, týra jutyp, keńirdegimizden ótkize alsaq, bizge basqa bireýdiń biliminiń keregi bolmas edi. Biz qazir as iship, aıaǵymyzdan jatatyn ýaqyt emes, qazir ózimizdiń qazaq úshin qyzmet etetin ýaqyt degen edi, bir baýyrym. Sol aıtqandaı, árkim ár salada óz ulty úshin, qazaq ulty úshin aıanbaı eńebek etse, biz jeńetinimiz sózsiz. Qazaq handyǵynyń 550 jyldyǵyn emes, 3000 jyldyǵyn toılaıtyn kún týsyn aǵaıyn.

Esengúl Kápqyzy, jýrnalıst:

- Keshe www.qamshy.kz saıtynyń uıymdastyrýymen Qazaq handyǵynyń 550 jyldyǵyna oraı ótkizilgen shyǵarmashylyq baıqaýynyń qorytyndysy bolyp ótti. "Qamshy" saıty óte ıgi iske muryndyq bolyp, naǵyz memleketshildiktiń bıik úlgisin tanytty. Qazaq ult retinde uıysa almaǵan, aýyldaǵylar rýlyq sanadan asa almaǵan degen ushqary pikirlerge osy shara jaýap bere alatyn shyǵar dep oılaımyn.

Aıta keterlik taǵy bir jaıt, atalǵan merekelik sharada "Qamshy" portalynyń gımni oryndalyp, tusaýy kesildi.

"Qamshy" ujymy