Turǵyndar «e-KSK» arqyly qarjylyq esepterden habardar bolyp otyrady

Atalǵan júıeniń mobıldi qosymshasy arqyly páter ıeleri kooperatıviniń qarjylyq esebi týraly aqparat alady. Bul týraly «Elordany turaqty damytý ortalyǵy» kompanııasynyń dırektorynyń orynbasary Makanova Aglen málimdedi, dep habarlaıdy Qamshy.kz aqparat agenttigi digitalkz.kz saıtyna silteme jasap.

«e-KSK» mobıldi qosymshasynyń birneshe paıdalaný múmkindigi bar.   

«Mobıldi qosymsha, turǵyndarǵa jáne qonaqtarǵa arnalǵan, olar bul qosymshanyń ishinde páter ıeleriniń kooperatıvi, turǵyn úıler týraly mańyzdy aqparatqa qol jetkize alady. Sonymen qatar búgingi tańda kóptegen turǵyndardyń negizgi suraqtary – páter ıeleri kooperatıvterine (PIK) aı saıyn tólenip otyratyn eksplýatasıondyq shyǵyndardyń qaıda ketetindigi kórinip turady», – dedi A. Makanova.

Bul júıe arqyly sheshilgen basty máseleler qarjylyq esep shyǵyndary, elektrondy ótinishter qabyldaý t.b. bolyp tabylady. Mobıldi qosymshada ár páter ıesiniń ózine arnalǵan jeke kabıneti bolady, jeke kabınetke kirý arqyly ótinishter jiberip, esepterdi qaraı alady.

«Páter ıeleri búginde PIK-ke qandaıda bir ótinish jibergisi kelse elektrondy túrde jibere alady. Onyń bári PIK-ke avtomatty túrde túsedi. Odan keıin ár qyzmetkerge ózderiniń ishki portaldaryna qoıylǵan suraqtar nemese jiberilgen ótinishter boıynsha jumys júrgizip, tez arada  sheshimin taýyp keri baılanys jasaıdy.

Sondaı-aq, mobıldi qosymsha áli de tolyqtyrylý ústinde, aldaǵy ýaqytta barlyq PIK bir júıege keltiriletindeı ofıske barýdy qajet etpeıtin, 1S baǵdarlamasy arqyly esepti avtomatty túrde kórsetip otyratyn joba daıyndalýda.

«Ekeýinde qazir baılanys bar.  PIK qarajattardyń qozǵalysyn ıaǵnı shyǵyndary men kiristeri boıynsha aqparattar avtomatty túrde «e-KSK» túsip otyrady. Ol jerde analıtıkalyq dıagrammalar túrinde turǵyndarǵa yńǵaıly kúıinde aqparat  jetkizý úshin barlyq oń sheshimderdi qabyldaý ústindemiz. Onyń barlyǵy avtomatty túrde jasalyp turady. PIK úshin tólemder kúndelikti qabyldanyp otyrady, onyń barlyǵynyń bólinisi avtomattandyrylǵan, sondyqtan operatıvti túrde barlyq aqparat jańartylyp otyrady. Odan keıin munyń bári turǵyndarǵa kórsetiledi», – dep aıtyp ótti ol.

Aıta ketelik, «e-KSK» Astana qalasy boıynsha barlyq aýdandarda qoldanysqa engizilgen. Búgingi tańda qalanyń barlyq aýdandaryna taratylýda.  Aldaǵy ýaqytta Jastar shaǵyn aýdanyndaǵy «Aqyldy aýdan»  jobasyna qatysý josparlanǵan.