Qazaqstan men Reseı: Kim qansha jalaqy alady?

Esterińizde bolsa, apta basynda QR Parlament depýtattarynyń jalaqylaryn qysqartý týraly daýly máselege májiliste otyrǵan halyq qalaýlylary óre-túregelip qarsy shyqqan edi.  Endi elimizdegi  iri holdıng "Samruq-Qazynanyń" basshysy О́mirzaq Shúkeevte óz qaramaǵyndaǵy qyzmetkerlerdiń jalaqysynyń azdyǵyn aıtyp jylarman boldy.

"Biz shet eldik memlekettik holdıngterdiń bıýdjettik shyǵyndaryn eseptep kórdik. Salystyrmaly túrde "Samruq-Qazyna" ulttyq holdınginiń qyzmetkerleri ózderiniń sheteldik áriptesterine qaraǵanda birneshe ese tómen jalaqy alady.  Soǵan qaramastan, 2012 jyldan beri qaraı biz qysqartýlar jasap kelemiz. Kúni búginge deıin holdıngtiń 2 myńǵa jýyq qyzmetkerleri qysqartýǵa ilingen. Sapany arttyrý úshin jumysshylarǵa tólenetin jalaqy da  soǵan saı bolýy tıis. Osy rette bizdiń qyzmetkerlerdiń aılyǵy shaılyǵyna jetpeı jatady. Mysaly, kórshi Reseıdiń ózinde bul kórsetkish aıtarlyqtaı joǵary. Bizdiń qyzmetkerler kompanııaǵy túsim ákelgen jaǵdaıda ǵana joǵary jalaqy ala alady. Jalqaýlyq tanytyp, bos júrgenderge jalaqy tólemeımiz ", - deıdi О́. Shúkeev. 600 myń teńgeni mise tutpaı  júrgen qalaýlylar men iri-iri  holdıng basshylarynan basqa taǵy kimderdiń jalaqylary tómen?  Qamshy.kz  portaly Qazaqstan men Reseıdegi áleýmettik qyzmetkerlerdiń ortasha aılyq kórsetkishin  salystyra otyryp, saraptama jasaǵan edi.

1. QR bilim berý salasynyń qazmetkerlerine mınımaldy somada 50 myń teńge, maksımaldy sommada 154577 teńge jalaqy tólenedi. Bul kórsetkish kórshiles Reseıde sál ózgesheleý. Ol jaqta muǵalimderdiń ortasha jalaqysy-20000-39000 rýbl arasynda. Teńgege shaqqanda 100000-195000-dy quraıdy.

2. QR ınjıner-qurylysshylary ortasha aılyq esep kórsetkishi 55 myńnan 120 myńǵa jýyqtaý keledi. Al reseılik ınjınerlerdiń aılyq jalaqysy 25-60 myń rýbl bolsa, teńgege shaqqanda ortasha jalaqy-300 myńdy quraıdy.

3. QR Densaýlyq saqtaý salasy qazmetkerleri aılyq esep kórsetkishi boıynsha 117 myńnan 179 myńǵa jýyqty baǵamdaıdy. Bul kórsetkish Belorýsııalyq dárigerlermen salystyrǵanda eki ese joǵary. Al máskeýlik dárigerlerdiń ortasha aılyq jalaqysy-39833-104000 rýbl. Teńgege shaqqanda-199165-520000 tg.

4. QR zeınetkerleri mınımaldy kórsetkishte 20782 teńge, maksımaldy bazamen 54171 teńge kóleminde zeınetaqy alady. Reseılik osy kórsetkish aıyna-10889 rýbl. Bul somma Qazaqstan valıýtasymen -54445 tg bolady.

5. QR О́rt sóndirýshiler aıyna 60 myń teńgeden 120 myń teńgege deıin jalaqy alady eken. Reseılik órt sóndirý qyzmetkerleri aıyna 34500 rýblden 77500 rýblge deıin ósken.

Sondaı-aq, aýylsharýashylyq, orman jáne balyq sharýashylyǵy salasyndaǵy qyzmetkerlerdiń ortasha jalaqylary 96 myń teńge bolsa, traktorıst-mashınıstterdiń jalaqylary odan sál tómendeý 79-90 myń aralyǵynda. Ekonomıster-157 myń, býhgalterler- 113 myń teńgeni qanaǵat tutady. Respýblıka kóleminde ortasha jalaqynyń eń joǵarǵy kórsetkishi Astana jáne Almaty qalalarynda tirkelgen. Bul qalalarda ortasha jalaqy kólemi 484 myń men 542 myń teńgeni quraıdy. Al aýyldyq jerlerdegi muǵalimderdiń ortasha jalaqysy - 82 myń teńge bolsa, jeke menshik aqyly mektepterdegi oqytýshylardyń aılyq jalaqysy 74 myń teńgeni quraǵan. Al balabaqshalardaǵy tárbıeshiler 55 myń teńgege jumys isteıdi. Elbasy Nursultan Ábishuly óz sózinde Qazaqstandaǵy eń tómen jalaqy 50 myń teńgeden kem bolmaýy tıis dep basa aıtqan bolatyn. Bul áleýmettik qyzmet túrlerin kórsetetin qyzmetshilerdiń ortasha aılyq jalaqy kórsetkishi bolatyn. Al iri bıznes ortalyqtarynda sandar múldem basqasha sóıleıdi. Keıbir derek kózderine súıensek,  Almatydaǵy bir iri kompanııanyń dırektory laýazymyn ıemdengender aıyna 1,8 mıllıon teńge alatyn kórinedi.