Memlekettik til úshin keshe «Planeta elektronıkı»-den, búgin «Sýlpak»-tan qýyldym

Ashyq hat!

QR Prezıdenti N.Nazarbaevqa QR Premer-Mınıstri S.Ahmetovke Indýstrııa jáne jańa tehnologııalar Mınıstri Á.Isekeshovke Bilim jáne ǵylym Mınıstri B.Jumaǵulovqa Nur-Otan Hatshysy E.Qarınge QR Memlekettik ister jónindegi Agenttiktiń Tóraǵasy Á. Baımenovke Májilis depýtattary: O.Asanqyzyna, N.Sabılıanovqa Kerekýlik májilis depýtattary: Begentaev M., Nýrkına A. Pavlodar oblysy Áimi E.Arynǵa 31.01.2013j., Kerekýdegi lermontov, Satpaev kósheleriniń qıylysynda ornalasqan «Sýlpak» saýda úıine qaltafon satyp almaqshy nıette kirgenmin. Qazaqsha sóılep, óz tilimde qyzmet kórsetýdi talap etkenim úshin, kúzetpen ıterilip, dalaǵa shyǵarylyp tastaldym. Sol sebepti oblys bas prokýratýranyń qabyldaýynda boldym. Tilder basqarmasyna hat joldaımyz, ózimiz de tekseris júrgizemiz dep qaldy. Saýda úıinde bolǵan masqara jaıtty dıktofonǵa jazyp aldym. Jaǵamdy ustaǵanym barlyǵy derlik satýshylar, meni ıterip shyqqan kúzet qyzmetkeri de qazaqtar. Olardyń aıtqandary: «My ne govorım po-kazahskıı; ıa ponımaıý, no obslýjıvat býdý na tom ıazyke, na kakom mne ýdobno; vy samı vınovaty, zachem pootkryvalı rýsskıe shkoly, ı nas týda otdavalı; a teper ılı govorıte na rýsskom, lıbo vyhodıte otsıýda». Qurmetti myrzalar, qazir de qalamyzda orys mektepteri qazaq mektepterinen 8-9 ese kóp desem, artyq aıtpaımyn. Rasy ishinde aralasy da bar, biraq tárbıe orys tilinde ekeni barlyǵyna belgili. Tipti taza qazaq 4 mektebiniń ózinde úziliske shyqqandardyń ózara qatynasy orys tilinde. Oǵan kóńil aýdaryp jatqan ustazdar biren-sarany bolmasa, qaıta ózderi sol tilde saıraıdy! Mine bizdiń qazirgi de, keleshektegi bolashaǵymyz! Bir sózben aıtqanda jetken jerimiz osy bolsa kerek. Al qansha qazaq emes orystildilermen qazaq tili jóninde sóz bolsa, aıtatyndary, «Iаzyký s detsadov, so shkol nado obýchatsıa. Pobolshe by sadov na kazahskom, my by toje deteı otdavalı». Al eldegi osy masqara jaǵdaıdy qalyptastyryp otyrǵan bıliktiń qazaqqa, qazaqtildilerge qarsy úlken bóligi! Onyń ishindegi reseı lobbılerimen óz máńgúrt-zombılerimizdiń saıasatynyń "nátıjesi". Endi qalǵany qazaqtildiler men orystildilerdiń arasynda soǵys ashyp, memleketti tarqatyp, kórshilerge, ásirese reseıge ótkizemiz demeseńizder, dereý osy masqaralarǵa shara qodanýlaryńyzy talap etemin! Ishki aıasattan bastap: «Slýshaıý vas», oblys ákiminiń hatshysy «Prıemnaıa akıma oblastı slýshaet»! Memlekettik mekemelerdiń barlyǵy derlik osylaı qyzmet kórsetedi. Qatynastary tek kórshi memlekettiń mem.tilinde. О́ıtkeni olar joǵarǵy bılikke qarap ómir súredi. О́z elinde, qazaqtyń esebinen otyryp, óz tilin satqan bıliktiń basym bóligine! Al qalǵan jekemenshik mekemelerdegi tildik jaǵdaıdy elestete berińizder! Men, qazaqtildi qazaq retinde, osy qalada beıne ustaranyń júzimen júrgendeı, jankeshti ómir súremin. Keshe «Planeta elektronıkı»-den qýyldym, búgin «Sýlpak»-tan, keshe tilime ursyp, avtovokzalda bılet bermeı qoıdy, búgin jumyspen barǵan ǵımaratyma óz tilimde aqparat ala almaı qaıtýǵa májbúr boldym. Aza kúni, qalalyq symmen taratylatyn radıotorapta turýy kerek Qazaq radıosynyń ornyna orystildi «retro fm», radıosyn qoıyp qoıady, ánderimen. Olarǵa oblystyń ishki saıasaty zań buzǵandaryna qaramaı arasha túsedi. Minekeı, Kerekýdegi, basqa soltústik qalalardyń da beınesi. Osy masqaralardy joıýǵa, birshamasyna ákimshilik, tilder basqarmasy tarapynan kómek kórsetilip jatyr. Biraq ol kómekter, órt sóndirýshilerdiki sııaqty. Búgin myna jerden paıda boldy, erteń basqa jerden taǵy bolady. Sondyqtan, ultymyzdy ultsyzdyqtan qutqarýǵa umtylýlaryńyzdy talap etemin! 90 paıyz jastardyń tili de, mentalıteti de qazaqtildi qazaqqa qarsy. Olarǵa báribir, qaı memlekette tursa da, tek orys tilinen eshkim aıyrmasa boldy, al bul memleketke tikeleı tóngen qaýip! Beısenbaı tegi Rýza, Kereký q. Qaırbaev k. 104-136, 8(7182) 51-10-50