Bir sekýndtta 5 trln. kadr jasaıtyn vıdeokamera oılap tabyldy

Shvesııanyń Laýd ýnıversıtetinde bir sekýndtta 5 trln. kadr jasaıtyn múmkindikke ıe vıdeokamera oılap tabyldy dep habarlaıdy Qamshy aqparattyq agenttigi life.ru-ǵa silteme jasap.  

Salystyrmaly túrde eń jyldam vıdeokamera bir  sekýndtta 100 myń sýret túsire aldy.  Kúndelikti ómirde bir sekýndtta myńdaǵan kadr jasaıtyn vıdeokameralar qajet bola bermeıdi. Kóp jaǵdaıda hımııa,bıologııa, fızıka salasyndaǵy zertteýler barysynda qoldanylady.

Álemdegi eń jyldam vıdeokamerany jasaýshylardyń biri, fızık Elıas Krıstenssonnyń aıtýynsha, bul vıdeokamera kómegimen  asa tez jyldamdyqtaǵy kadrlardy túsirýge múmkindik alamyz. Jarylystar, plazmanyń ushqynyn, janý prosesin, hımııalyq reaksııalardy emin-erkin túsirýge múmkindik beredi.

FRAME degen ataýǵa ıe bul vıdeokamera jasýsha kólemindegi qubylystardy da túsire alady. Keleshekte osy tektes vıdeokameralardy túrli óndiriste qoldanysqa engizýge bolady, deıdi Elıas  Krıstensson.

Vıdeokameranyń jelden de jyldam jumys isteýine lazer, obektti túsirý kezindegi  jarqyl múmkindik jasaýda. Kamera lazer sáýlesin obektten ajyratyp, túzetedi. Artynan kúrdeli kompıýter algorıtminiń kómegimen bólek-bólek kadrlar bir-birimen jalǵasyp ketedi.