Aq násildi qyzǵa ǵashyq bolǵan Obama odan ne úshin bas tartqanyn aıtyp berdi

AQSh-tyń eks-prezıdenti Barak Obamanyń bıografııasyn jazǵan Devıd Gerroý amerıkalyq lıderdiń kezinde qandaı sebeppen aq násildi qyzǵa úılenbegendigin jarııa etti dep habarlaıdy Qamshy aqparattyq agentti The Daily Caller basylymyna silteme jasaı otyryp. Obama aq násildi qyzdy jar etsem, saıası bedelime nuqsan keledi dep qoryqqan.

Sheıla Mııoshı Djager Obama jar etkisi kelgen qyz. Ol jartylaı japon, jartylaı nıderlandııalyq bolǵan.  1986 jyly úılenýge usynys jasaǵan Obamany qyzdyń ákesi jaqtyrmaı qalǵan. Qyzdyń ákesi bolashaq kúıeýjigit qyzyn qamtamasyz ete almaıdy dep oılaǵan. Sondyqtan da úılený toıy keıinge shegerilgen eken.

Arada biraz ýaqyt ótkennen keıin násildik negizge baılanysty eki ǵashyq aıyrylysyp tynady. Illınoıs shtatynan senatorlyqqa túsken qara násildi Rıchard Nıýhaýstyń oqıǵasynan keıin Obama úılengisi kelmeı qalǵan. Rıchardtyń áıeli aq násildi bolǵannan keıin ony saıasatta jıi synǵa alǵan eken.

Barak Obama jáne onyń jubaıy jaqynda ǵana memýar (estelikke toly) kitap shyǵaratyndaryn aıtqan bolatyn. Bul eki bólek kitap. Alaıda jup ony komplekt retinde satpaqshy.  

Aýdarǵan: Jazıra Baıdaly