Arabtyń toıyna uıaly telefonmen kire almaısyz (FOTO)

Ár eldiń  úılený toılary  ózderine tán erekshelikpen, ózgeshe rásimmen ótip jatady. Al arabtardyń toıy múldem basqasha. Bul erekshelikterdi Qamshy aqparattyq agenttigi ytrokz-ke  silteme jasaı otyryp jınaqtap shyqty.

Arabtyń toıyna siz shaqyrýsyz bara almaısyz. Eger siz toı bolatyn úıdi umytyp qalsańyz, kireberiste turatyn kúzetshiler sizdi kirgizbeı qoıýy ábden múmkin.

Árıne eger sizdi toı uıymdastyrýshylary sizdi tanyp, kirgizbese siz keremet toı keshinen qur qalasyz. Siz toıǵa shaqyrtý bıletin durystap qaraý kereksiz. Sebebi shaqyrtý bıletinde «О́tinish, balalarsyz kelińizder» nemese «Uıaly telefonsyz kelińizder» dep jazylyp turýy múmkin.

Katardaǵy ulttyq toı keń saraıda, qymbat meımanhanada ótedi. Bul tek bastamasy. Eki zaldy jalǵa alady. Onyń biri áıelderge, biri erlerge arnalady. Kúıeý jigit áıelderge arnalǵan zalǵa tek qalyńdyǵyn alyp ketý úshin kiredi.

Áıelder jaqta uıaly telefon qoldanýǵa, sýretke túsýge tyıym salynǵan.  Uıaly telefondar aldyn ala jınalyp alynady eken.

Toı rásimi ádette duǵamen saǵat 20:00-de bastalady. Qonaqtar kelip, jaıǵasa beredi, olarǵa qymbat shokolad beriledi. Ishimdikti musylmandar qoldanbaıyndyǵyn eskertýdiń qajeti joq shyǵar.

Erlerdiń bólmesinde ne bolyp jatqandyǵyn áıelder óz bólmelerinde keń ekran arqyly kórip otyrady. Al erlerge áıelderdiń bólmesinde ne bolyp jatyrǵandyǵyn kóre almaıdy.

Arab áıelderiniń kóbisi óz elderinde qarapaıym, jabyq kıinedi. Olar «abaııa» atty ulttyq kıimderin jıi kıedi. Keıbir áıelder kúndelikti nıkab  kıip júredi, bul kıimde olardyń tek kózderi ǵana ashyq bolady.

Olar óz toılarynda sońǵy ret sándengendeı bolyp daıyndalady. Olardyń kóılekteri hanshaıym sekildi jaltyrap kózdiń jaýyn alady. Shyǵys sulýlaryn tańqalarlyqtaı ádemi kóılek kıgenin elestetip kórińizshi. Eger arab qyzdary jabyq kıinese jolda kólik apaty tym jıi bolatyn edi dep tekten-tekke aıtpaǵan shyǵar.

Ádemi bet árleýi, qymbat aıaq kıim, jınaqy shash úlgisi. Barlyǵy birge óte ádemi ári qymbat kórinedi.

Barlyq qonaqtar bir-birimen áńgime-dúken quryp, bı bılese, basy bos qyzdar sahnaǵa shyǵyp, óz-ózderin kórsetýge tyrysady. Olardyń maqsaty óz ulyna qalyndyq izdep júrgen analardyń kózine túsý. Kóptegen tanysýlar osyndaı toılarda kóptep kezdesedi.

Saǵat keshki 10-11-lerge taman qalyńdyq ortaǵa shyǵady. Jaryq jaǵylyp, názik, romantıkalyqá áýen oınatylady.

Arabtardyń toı kóılegi keremet ónerdiń nátıjesi sekildi. Ádemi, qymbat tastarmen bezendiriledi. Qalyńdyq  ári-beri kúlimsirep júrip, biraz ýaqyttan keıin ózine arnalǵan arnaıy orynǵa otyrady.

Osy kezde 1 saǵattan keıin kúıeý jigittiń jolda kele jatqanyn estı sala qyzdar jınaqtalyp, óz abaııalaryn kıip, baıaǵy qarapaıym kezderine oralady. Sosyn kúıeý jigit pen onyń jaqyn týystary keledi. Al qalyńdyq bul kezde sóılemeıdi. Keı toılarda bul ýaqytta tort kesiledi.

Biraq ýaqyttan keıin týysqandary óz razylyqtaryn bildirip, kúıeý jigit qalyńdyqty óz bólmesine alyp ketedi. Bul bólme sol meımanhanadaǵy eń ádemi, qymbat bólme bolady. Qonaqtar bolsa saǵat tańǵy 4-5-terge jýyq toı toılap bolysymen úılerine qaıtady.