El ishinde áskerı qyzmetti 1 jyldan 2 jylǵa uzartady degen aqparat shyqty

Bul týraly Ortalyq kommýnıkasııalar qyzmetinde Qorǵanys mınıstrligi Qarýly Kúshterdiń 25 jyldyq mereıtoıyna oraı ótkizgen ınteraktıvti dáris barysynda Qazaqstan Respýblıkasy Qorǵanys mınıstriniń orynbasary general-maıor Talǵat Muhtarov málimdedi dep habarlaıdy Qamshy aqparattyq agenttigi.

         «Rasynda el ishinde áskerı qyzmetti 1 jyldan 2 jylǵa uzartady degen aqparat shyqty. Biraq zań júzinde 1 jyldyq ýaqyt belgilengendikten merzimdi áskerı qyzmetti óteý ýaqyty ózgerissiz qaldy. Boryshyn óteý úshin shaqyrylǵan sarbazdarǵa áskerı ádis-tásilderdi oqyp úırenýge on eki aı jetkilikti dep oılaımyn. Biz olardy júrgizýshi, atqysh sekildi mańyzdy mamandyqtarǵa baýlyp, 1 jyldyń ishinde tolyq ıgerip shyǵýlaryna tolyq múmkindik jasaımyz. О́ıtkeni bizdiń arnaıy áskerı okrýgterimizde mamandandyrylǵan oqý ortalyqtary jumys jasaıdy. Kelgen jastar negizgi áskerı bólimge jetkenshe sol jerden jan-jaqty daıarlanyp, dáris alyp shyǵady» dedi ol.