ALTY ALAShTYŃ ÁNShISI RAMAZAN STAMǴAZIEV 50 JASQA TOLDY

Búgin qazaqtyń jeztańdaı ánshisi Ramazan Stamǵazıev erdiń jasy elýge toldy. Ramazan Stamǵazıevtiń ózi qandaı bıikke jetse de, qazaqy qarapaıym qalpynan aınyǵan emes. Onyń qońyr daýysy qazaq dalasynyń túkpir-túkpirine jetip, óner súıer qaýymnyń júregine jattalyp qalǵan. Ramazan Stamǵazıev dombyrasyn jaı ǵana sabalap júrgen ónerpaz emes, qazaqtyń qaı aýylyna barsa da tórin usynatyn búginniń sal-serisi. Qazaq án óneriniń qaı mektebiniń bolsa da ánin naqyshyna keltirip shyrqap júrgen Ramazan Stamǵazıev úlgili ustaz, nemerelerine súıikti ata, 30 jyldan beri qazaqtyń halyq ánderi men dástúrli ánderin keńinen nasıhattap júrgen Qazaqstannyń eńbek sińirgen ártisi. 

Ramazan О́miráliuly  1967 Almaty oblysy Raıymbek aýdany Kókpııaz aýylynda dúnıege kelgen. О́nerge bala kezinen qushtar bolǵan. 1989 j. Almaty estrada-sırk ýchılıshesin (Q.Baıbosynov klasy boıynsha) bitirgen. 1989 jyldan "Qazaqkonsert" birlestigi quramynda óner kórsetip júr. 1989 - 2005 jyldary Qazaqkonsert óner birlestiginde ánshi. 2006 - 2009 jyldary Qurmanǵazy atyndaǵy Qazaq ulttyq konservatorııasynda oqytýshy. 2009 - 2012 jyldary Respýblıkalyq estrada - sırk kolledjinde oqytýshy. 2012 jyldan Qazaq ulttyq óner akademııasynyń "dástúrli án mýzykasy" kafedrasynda oqytýshy, aǵa oqytýshy, kafedra meńgerýshisi laýazymyn atqarady. 

Stamǵazıev shyrqaǵan «Qapezdiń áni», «Eki jıren», «Kókshetaý», «Temirtas» sııaqty Alash arystarynyń ánderi halyqtyń qulaǵyna onyń daýysymen sińgen. «Qamshy» aqparattyq agenttigi ujymy búgingi týǵan kúnine oraı ánshige uzaq ómir, shyǵarmashylyq tabys, shańyraǵyna shattyq, otbasyna baqyt tileıdi.