Aq Olımpıada: umtylystar men utylystar

(Baspasózge sholý)

    Sochıdegi  22-shi  qysqy olımpıadanyń  bastalǵanyna  búgin  úshinshi  kún.  Qazaqstan  quramasynda 52 sportshy sporttyń   Al, qýantarlyq jaıt elimizdiń  sport kostıýmy úzdikter  qatarynan  kórindi. Sports.ru reseı portaly Olımpıada oıyndarynyń ashylý saltanatyndaǵy eń úzdik  9 eldiń ishinde, qazaqstandyq olımpıadashylardyń kıimderi de atalǵan. Reıtıngke sáıkes, kórermenderge Bermýd, Kaıman araly, Shvesııa quramasynyń sholaq shalbarlary, Germanııanyń túrli-tústi kıimderi unaǵan. Qulaqshyn kıgen Ulybrıtanııa quramasy, Jańa Zelandııanyń teri ton jamylyp shyqqan tý ustap shyqqan sportshynyń kelbeti kóreremendi tarta bilgen. Favorıtter tiziminde Qazaqstannyń kók týymen tústes kostıýmderi, AQSh quramasynyń juldyzdy-jolaqty kıimderi jáne Tonga quramasynyń jalǵyz ókiliniń formasy da kóreremen kózine túsken.

    Ázirge, sportshylarymyzdyń  aýyz toltyryp aıtarlyq jetistik  joq.

Keshe 9 aqpanda qazaqstandyqtar sporttyń úsh túri boıynsha synǵa tústi. Úmit artqan  bıatlonshymyz Bıatlonnan Elena Hrýstaleva Vankýverdegi erligin qaıtalaı almady. Tipti mańaılaı alǵan joq.Ol (+2:22.8) 57-shi orynda qaldy. Basqa da qazaqstandyqtar — Darıa Ýsanova  58-shi, Galına Vıshnevkaıa — 64-shi, Marına Lebedeva  - 73-shi oryndy qanaǵat tutty,. Taý shańǵysynan Igor Zakýrdaev 33-shi oryn alyp, fınalǵa óte almady, dep  habarlaıdy alaman.kz.

Al,  Búgin 10 aqpanda Sochıdegi XXII qysqy Olımpıada oıyndarynda qazaqstandyqtar sporttyń 5 túri boıynsha qatysady, dep habarlaıdy QazAqparat tilshisi. Olımpıadanyń taǵy bir kúni qazaqstandyqtar úshin short-trek jarysynan bastalady. 1500 qashyqtyqqa júgirýden eki sportshymyz qatysady. Olar: 20 jasar Aıdar Bekjanov BQO-dan jáne 18 jasar Denıs Nıkısha Qostanaı oblysynan. Olarǵa 36 sportshy qarsy turmaq. Jankúıerler Olımpıada parkinde "Aısberg" qysqy sport saraıynda 15:45-te jınalady. 16:27-de bastalatyn 500 metrlik júgirýdi BQO týmasy konkımen júgirýshi Inna Sımonova jalǵastyrady. Onymen birge 32 sportshy óz baǵyn synaıdy.

500 metr qashyqtyqtaǵy jarysta qazaqstandyq konkımen júgirýshi 22 jasar Roman Krechpen birge 40 sportshy básekege túsedi. Jarys 19:00-de «Adler-Arena» konkımen júgirý ortalyǵynda ótedi. Keshki saǵat toǵyzda taý shańǵysy men bıatlon jarysyna arnalǵan «Laýra» kesheninde bıatlon saıysyna (12,5 qashyqtyq) ShQO týmasy Iаn Savıskıı men Sergeı Naýmık qatysady. Medaldy esep marafonyna barlyǵy 60 sportshy shyǵady. «Sankı» shańǵy sporty ortalyǵynda 20:45-te 18 jasar Elızaveta Aksenova esimdi otandasymyz óz kúshin synap kórmek. Onymen birge 31 sportshy qatysady. Taǵy 3 shyǵys qazaqstandyq sportshymyz saǵat 20:00-de ««Roza Hýtor» ekstrım-saıabaǵynda mogýl sport túri boıynsha jarys jolyna shyqpaq. Olar: 25 jasar Dmıtrıı Reıherd, 17 jasar Pavel Kolmakov jáne 28 jasar Dmıtrıı Barmashov. Jarys ýaqyttary Astana ýaqytymen berilgen.

Aıta  ketý kerek,  Qazaqstan bul olımpıadada  baǵy  janǵan  sportshylarǵa  úlken kólemde syıaqy usynyp  otyr.  Altyn medel ákelgen qazaqstandyq sportshylarǵa 250 myń dollar syıaqy tólenedi. Sondaı-aq kúmis medal ıegeri 150 myń dollar, al qoladan alqa taqqan sportshy 75 myń dollar kólemindegi  syıaqyǵa ıe bolady. Patrıottyq  rýh  kernep,  syıaqy umtylys bolyp,  sportshyrymyz  dodada júzden júırik  shyǵaryna senimimiz  mol...