«Ystyq útik basqan»: Shymkentte jas qyzdardy jezókshelikke tartqandar sottaldy

Shymkenttiń qylmystyq ister jónindegi mamandandyrylǵan aýdanaralyq soty jezóksheler úılerin uıymdastyryp, kámeletke tolmaǵandardy jezókshelikke tartty dep aıyptalǵan 12 adamǵa úkim shyǵardy. 

Sybaılastar 2019-2022 jyldar aralyǵynda Shymkent, Taraz jáne Qyzylorda qalalarynda jumys istegen. Olardyń arasynda 20-30 jas aralyǵyndaǵy qyz-jigitter, osy qalalardyń turǵyndary, sondaı-aq О́zbekstannyń bir azamaty boldy.

“Qaskóıler 15-16 jas aralyǵyndaǵy kámeletke tolmaǵan qyzdarǵa ıntımdik qyzmet kórsetkeni úshin kúnine 20 000 teńgeden 200 000 teńgege deıin usynǵan. Qyzdar kelisim bergennen keıin olardy arnaıy jaldamaly páter nemese úılerge ornalastyrǵan. Sonyń ishinde olardy baqylaýda ustap, tek klıentterge qyzmet kórsetkende bosatqan”, – delingen habarlamada.

Jumys isteýden bas tartqandardy uryp-soǵyp azaptaǵan. Jeńgetaılyqpen aınalysqandar eki qyzǵa ystyq útik basqan, sosyn olardy 10 mıllıon teńge qaryz etken.

Tergeý toptyń qylmystary týraly jetkilikti dáleldemelerdi jınady, degenmen uıymdasqan qylmystyq topty qurý jáne basqarý, sondaı-aq uıymdasqan qylmystyq topqa qatysý jáne adam saýdasy boıynsha aıypty sot dáleldenbegen dep tanydy.

Kináliler 6 jyldan 10 jylǵa deıin bas bostandyǵynan aıyryldy. Úkim áli zańdy kúshine engen joq.