Eskertý: E-gov ýaqytsha istemeı qalýy múmkin

"Biryńǵaı ýaqyt beldeýine kóshýge baılanysty 2024 jyly 29 aqpanda saǵat 22:00-den 2:00-ge deıin tehnıkalyq jumystar júrgiziletin bolady. Osy ýaqyt aralyǵynda qysqa merzimde birqatar jobalar qoljetimsiz bolýy múmkin", delingen habarlamada. 

Qysqa merzimde istemeı turýy yqtımal jobalar qataryna mynalar jatqyzylady:

• egov.kz portaly men onyń komponentteri;
• egov Mobile mobıldi qosymshasy;
• "E-notarıat" biryńǵaı notarıattyq aqparattyq júıesi;
• "Tehnıkalyq baıqaý" biryńǵaı aqparattyq júıesi;
• "e-Otinish"elektrondyq ótinishter servısi;
• jáne "Ulttyq aqparattyq tehnologııalar "AQ súıemeldeıtin basqa da aqparattyq júıeler men memlekettik derekqorlar.

Aıta ketsek, Qazaqstan 1 naýryzdan bastap biryńǵaı ýaqyt beldeýine kóshedi. 19 qańtarda úkimet Qazaqstannyń barlyq aýmaǵynda UTC+5 ýaqyt beldeýin engizý týraly qaýlyny bekitti. Oǵan sáıkes, 1 naýryzda saǵat 00:00-de Astana, Almaty, Shymkent qalalary, Abaı, Aqmola, Almaty, Jambyl, Jetisý, Qaraǵandy, Kostanaı, Pavlodar, Soltústik Qazaqstan, Túrkistan, Ulytaý, Shyǵys Qazaqstan oblystarynyń ákimdikteri jergilikti ýaqytty bir saǵatqa artqa jyljytýy tıis.