• USD 468.56

  • EUR 497.56

  • RUB 7.3

  • CNY 67.18

08 Jeltoqsan, 13:02:51
Almaty
+35°

Búgin QMDB uıymdastyrýymen ótken Astana qalasynda tuńǵysh ret ótken halyqaralyq Quran jarysy aıaqtaldy. 2 kúnge jalǵasqan baıqaýǵa álemniń 26 elinen qarılar qatysqan. Qasıetti kitapty jatqa mánerin keltirip aıtqan qarılarǵa Mysyr, Túrkııa jáne arab elininen kelgen qarılar qazylyq etti.

Halyqaralyq baıqaýǵa Qazaqstan atynan 2 qarı qatysty

Álemdik talaptarǵa saı baıqaý ótetin eldiń atynan 18-30 aralyǵyndaǵy 2 qarı qatysa alady. Uıymdastyrýshylardyń irikteýimen,  Túrkistanda Quran Kárimdi jatqa jáne mánerlep oqýdan H respýblıkalyq baıqaýdyń «30 para» nomınasııasy boıynsha bas júlde ıegeri Álibek Jalıev (Shymkent qalasy) pen 2022 jyly Qyzylordada ótken HI respýblıkalyq baıqaýdyń jeńimpazy Imanáli Myrzageldi (Jambyl oblysy) qatysatyn boldy. Olar 20 jasta. 

Qazaqstan atynan baıqaýǵa qatysqan qarı Imanáli Myrzageldi Astanada ótken Quran jarysy álemdik baıqaýlardan kem ótpegenin aıtty. 

"Qurandy 6 jasymda jattap bastadym. 12 jasymda Qurandy tolyq jattaýdy aıaqtadym. Álemniń basqa memleketterinde ótken baıqaýǵa qatystym. Mundaı jarys elimizde tuńǵysh ret bolyp jatqandyqtan orny erekshe. Álemdik jarystardan artyq bolmasa, kem ótpedi. Soǵan tánti bolyp otyrmyn", deıdi qarı jigit. 

Bas múftı: Quran jattaǵan barlyq adam – jeńimpaz

Sharanyń sońynda qorytyndy sóz sóılegen Qazastan dinı basqarmasynyń tóraǵasy Naýryzbaı qajy Taǵanuly qatysýshylar men ádil-qazy alqasyna alǵys bildirdi. 

ayolv

"Sizder álemdegi eń úzdik ári tańdaýly qarısyzdar. Osy jerde otyrǵan qarılardyń tili men násili ártúrli bolǵanymen tilegi men nıeti, júregi men maqsaty bir. Bizdi biriktiretin ortaq qundylyq – Quran. Qasıetti bolǵan Quran barlyq musylmandardy ortaq maqsatqa jumyldyratyn uly kitap. Búgin álemniń túkpir-túkpirindegi musylmandardy Astanaǵa jınaǵan da Allanyń sózi Quran dep aıtar edim. Meniń oıymsha, jarysqa qatysqan barlyq qarı – jeńimpaz. О́ıtkeni musylman úshin Quran jattaýdan artyq mártebe joq", dedi bas múftı.  

Álemdik baıqaýdy qarjylaı qoldaǵan depýtat kim?

Shara sońynda QMDB Tóraǵasy Naýryzbaı qajy Taǵanuly I halyqaralyq Quran jarysyna qazylyq jasaǵan qarı-ustazdar – Osman Sahın (Túrkııa), Jahongır Nematov (О́zbekstan), Maher Faramaýı (Mysyr Arab Respýblıkasy), Abdýlla Álı Álhashmı (Birikken Arab Ámiriligi) jáne ádilqazylar alqasynyń tóraǵasy Ersin Ámirege alǵys hat tabystady.

Sondaı-aq sharaǵa qarjylaı qoldaý bildirgen azamattardyń aty atalyp, bas muftıdiń alǵys haty tabystaldy. Olardyń arasynda Májilis depýtaty Ardaq Nazarov ta bar. Sonymen qatar Serikjan Seıitjanuly, Dinmuhammed Idrısov, Baharaddın Abdýlazımov, Qaırat Bazarbaıuly, Oljas Súleımen sekildi azamattar da halyqaralyq baıqaýǵa qarjylaı qoldaý kórsetken. 

Bas júlde – 9 mln. teńge kimge buıyrdy?

Qazylar alqasynyń sheshimimen elimizde tuńǵysh ret ótken Quran jarysynyń jeńimpazdary tómendegideı:

I oryn ($20 000) – Ilıas Hajrı (Marokko Koroldigi) 

II oryn ($ 15 000) – Týrpal-Alı Sadykov (Reseı Federasııasynyń Sheshen Respýblıkasy)

III oryn ($ 7 000) – Malek Abdýlla Albadın (Lıbııa memleketi)

III oryn ($ 7 000) – Saǵd Salım (Aljır Halyqtyq Demokratııalyq Respýblıkasy)

IV oryn ($ 5 000) – Abdýrahman Faraj Hafız Baraǵı (Mysyr Arab Respýblıkasy)

V oryn ($ 3 000) – Muhammed Adıb ben Ahmet Razanı (Malaızııa)

Sondaı-aq baıqaýǵa qatysqan basqa qatysýshylardy yntalandyrý maqsatynda 500 AQSh dollar syıaqy berildi. 

Ásel Bolatqyzy

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir