• USD 468.56

  • EUR 497.56

  • RUB 7.3

  • CNY 67.18

23 Maýsym, 05:46:09
Almaty
+35°

Áleýmettik jeli bireý úshin qyzyǵýshylyq bolsa, endi biri úshin tabys kózi. Atyraýlyq Gúlzat О́temisqyzynyń ınfobıznespen aınalysyp júrgenine 3 jyldan asty. Alǵashynda aqsha tabý úshin bastaǵan bul kásip qazir onyń mıssııasyna aınalǵan. Qamshy.kz 2 myńnan astam qyz-kelinshektiń kásippen aınalysýyna atsalysqan 5 balanyń anasy Gúlzat О́temisqyzymen bolǵan suhbatty oqyrman nazaryna usynady.

– Gúlzat О́temisqyzy onlaın bıznes salasyna qalaı keldińiz? Jalpy bıznes bastaýyńyzǵa ne túrtki boldy?

– 2017 jyl. Ol kezde 3 balam bar. Kúıeýim Atyraýda vahtada jumys isteıdi. Jalaqysy jaqsy bolsa da, aılyqty jetkize almaımyz. Nesıe bar, qaryz bar. Kúnde vermıshel, makaron pisiretin edim. Sondaı kúnderdiń birinde balam «Búgin de makaron ba? Men jemeımin» dedi buldanyp. Túsinbeı ne sebep bolǵanyn suradym. «Biz nege basqalar sekildi restoranǵa barmaımyz? Qydyrmaımyz» dep balam renishin bildirdi. Kishkentaı qyzym Káýsar ósken soń jumysqa turatynymdy aıtyp balamdy kóndirýge tyrystym. Al ol qoıarda qoımaı «Balalardyń bárine men qaraımyn. Sen jumysqa shyqshy» dedi. Ań-tań boldym. Meniń bızneske aralasýyma, jeke damýdy qolǵa alǵanyma osy oqıǵa sebep boldy.

Árıne, alǵashynda negatıv oılar boldy. Qalaı men jumys isteımin? Úıde otyryp tabys tabý múmkin emes. Adam damýdy qolǵa alyp, ıdeıasyn júzege asyrar kezde táýekel jasaı bilýi kerek. Sol kezde kózdi jumyp qoıyp táýekel jasamaǵanymda qazirgi Gúlzat bola almas edim.

Alǵashqy jolym túrli jelilik marketıngten bastaldy. Jeke kásip bastaımyn dep Almatydan taýar alyp sattym. Nátıje joq. Sol jyldary qatty agressıvti boldym. О́zime kóńilim tolmaıtyn. Birde túpsanaǵa baılanysty trenıngke qatystym. Aýyldyń qyzymyn. Buǵan deıin meni basqalar bólektep, mensinbeı qaraıtyndaı kórinetin. Biraq bul – ózimniń ishki oıym eken. Osyny túsine sala ózimmen jumys isteı bastadym. Tulǵa retinde damyǵan saıyn basqalarmen de qarym-qatynasym jaqsardy. Qarym-qatynas jaqsarǵan saıyn jańa ıdeıalar kelip, jumysym órge domalady.

Keıin 2018 jyldan bastap SMM salasyn damytýdy qolǵa aldym. Osy salada bilimim kóbeıgen saıyn áleýmettik jeli – qazynanyń qaınar kózi ekenine kózim jete bastady.

aý

– Kópbalaly ana bola tura bıznespen aınalysý qıyn emes pe? Kúnińizdi qalaı josparlaısyz?

– Balalarym bala-baqshada, mektepte. Tańerteń ketip, keshke keledi. Atyraýda bolǵan kezde qysta balam mektepten jaıaý keletin. Kirpikteri sýyqtan qatyp qalǵan balamdy kórgende júregim aýyratyn. Balamdy arnaıy qymbat mektepke berýdi armandaıtynmyn. Sol kezdegi armanym búgingi kúnge jetkizdi.

Meniń de úlgermeı qalatyn kezim bolady. Minsiz emespin. Biraq ózime erkindik beremin. Jumysty qaı kezde istegim kelse sol kezde bastaımyn. Demalýǵa da ýaqyt bólemin. Biraq kýrsqa qatysýshylarǵa jaýapkershilik alǵan soń «demalý kerek» degen sózdi múldem aıtpaımyn. Barlyq nazarym men oıymdy kýrs qatysýshylaryna arnaımyn. Keıde keleńsiz jaıttar bolady. Alaıda jeke problemamdy kýrsqa aralastyrmaýǵa tyrysamyn. Olar maǵan otbasylyq máselem úshin emes, paıdaly aqparat úshin keledi. Sol sebepti jaýapkershilikti sezinemin.

– Byltyr Túrkııamen saýdany úıretemin degen blogerlerdiń sońynan ergen bir top qazaqstandyq «aldandym» dep shaǵymdanǵan edi. Shetelmen onlaın saýdada aldanyp qalmas úshin neni eskerý kerek?

– Eshteńe ońaı bolmaıdy. Jeke kásipti bastaǵan kezde neshe túrli qıyndyqty bastan ótkeresiz. Al qıyndyqty «Osy deńgeıden ótýim kerek» dep qabyldaǵan jón. Kásip mıllıondaǵan aqsha alyp keledi. Endi seniń áreketiń men bastan ótkeretin qıyndyǵyń da soǵan saı bolatyny zańdylyq emes pe?! Al aldanyp qalǵan adamnyń kóbi mıllıondaǵan nesıe alady, biraq sol jaqtaǵy áreketke daıyn bolmaıdy. Arzan taýarǵa qyzyǵyp sata almaı qalatyndar da bar. Kóbiniń aldanyp qalýyna bilimsizdigi sebep dep aıtar edim. Eksperttiń sońynan qalmaı, aıtqanyn isteý kerek. Al kóbisine shý shyǵaryp, aqshasyn qaıtaryp alý ońaı bolǵan sekildi. Túrkııamen, Qytaımen saýda jasap  mıllıon tabatyndar bar. Biraq saýda jasaý úshin sol elge barýdyń qajeti joq. Onlaın jasaý áldeqaıda tıimdi.

– Kez kelgen kásip bir sátte nátıje bermeıtini belgili ǵoı. Qandaı qıyndyqty bastan ótkerdińiz?

– Almatyǵa bilim alamyn dep jalǵyz kelgen kezde dalada qonǵanym bar. Atyraýda bolǵanda páterge aldyn-ala tólem jasap qoıǵanmyn. Almatyǵa kelsem páter de, aqsham da joq. О́zimmen birge 280 myń alyp kelgen edim. Birneshe rıeltorǵa tólem jasap, aqshadan da aıyryldym. 5 kún dalada qaldym.

Kúzdiń kúni. Tańǵy saǵat 6:00. Dala qap-qarańǵy. Tońyp ári qorqyp otyrmyn. 2 saǵat boıy aýlada átkenshekte otyrdym. Sol kezdegi 2 saǵatym 2 jylǵa para-par boldy. Tań atyp, kún shyqqan kezde kovorkıngke jaıaý baramyn. 2000 teńge tólep 24 saǵat boıy jumys isteýge bolady eken. Ortalyqta uıyqtap qalsam, qyzmetkerler oıatyp jiberedi. Sebebi uıyqtap otyrsań, shyǵaryp tastaıdy eken. Úshinshi kúni kýrsta birge oqyp júrgen qyzdardyń biri kómektesti. Biraq anasy qatal bolǵan soń ony úıinde de uzaq qala almadym. Árıne, «Úıge qaıtyp ketsem be?» degen oılar boldy. Biraq balalarymdy oıladym. Olardyń eshqandaı shekteýsiz, baqýatty ómir súrýin qaladym.

ýka

– Bıznes bastaıtyn kezde joldasyńyz qalaı qabyldady? Qarsy bolmady ma?

– Áıel adamnan qýlyq artylmaıdy deıdi ǵoı. Alǵashynda qarsy bolǵany ras. Keıin oıy ózgerdi. Qazir áıelderdiń kóbi jeke damýmen aınalysyp júr. Damyǵysy keletin áıelderge kúıeýi túk bitirmeı, úıde otyrǵandaı bolyp kórinedi. Al keıde áıeliniń damyp, jaqsaryp kele jatqanyn kórgen er adamnyń tyıym salýy, «barmaısyń, úıde otyr» deýi kóbeıedi. Mundaı jaǵdaıda áıel adam óziniń damyp, aqsha taýyp jatqanyn mindetsinbeýi kerek. О́z basym kúıeýimdi bıznesmendermen aralasyp, túrli kezdesýlerge barýǵa ıtermeledim. Jaı ǵana «kúshti trenıng bolyp jatyr eken. Baryp kórseń qalaı?» dep qyzyqtyrýǵa tyrystym. Alǵashynda kúıeýim kelispedi. Úndemedim. Biraq óz ortamda kúıeýimdi jarnamalap júrdim. Keıin oǵan qońyraýlar túsi, usynystar jasaldy. Osylaı jaılap-jaılap bızneske aralasty.

«Vebınardy qalaı bastadyń? Qalaı kásip jasap júrsiń?» dep suraǵanda kózge kórinbeıtin qıyn jumysty kúıeýim jasaıtynyn aıtamyn. Áıel adam jumys istegen kezde kúıeýiniń bedelin túsirmeý kerek. «Siz ruqsat bergen soń osyndaı deńgeıge jettim» dep maqtap, shabyttandyryp otyrǵan jón. Er azamat sol kezde ózgeredi. Urys-keristiń kóbi áıeldiń mindetsingeninen bastalady.

Sosyn biz adamdy ózgertýge tyrysamyz. Mundaı kezde Alla Taǵala ómirimizdi berekesiz qylady. Basqanyń kemshiligin betine baspaı, uryspaı tek qana duǵa jasaý arqyly adamdy ózgertýge bolady. Sebebi júrekterdiń ámirshisi – Qudaı.  Kóbimiz jumys istep aqsha tapsaq ta, syılyq berip qýantsaq ta qaıtarymyn kútpeı, shyn kóńilmen jasaýdy umytyp ketemiz.

Suhbattasqan Ásel Bolatqyzy

Ásel Bolatqyzy

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir