Foto: Ashyq derekkóz
18 qańtar kúni Astana qalasynyń mańaıynda parashıýtpen josparly sekirý boıynsha oqý-jaýyngerlik tapsyrmalaryn oryndaý barysynda merzimdi qyzmettegi sarbaz qaza tapty, dep habarlady Qorǵanys mınıstrligi.
Oqıǵanyń sebepteri men mán-jaıy anyqtalý ústinde. Qazirgi kezde tekseris júrgizilip jatyr.
«Áskerı qyzmetshi 2022 jylyń kókteminde Qaraǵandy qalasynan ásker qataryna shaqyrylǵan. Komandırleri men qyzmettesteri arasynda úlken bedelge ıe bolǵan edi. Baýyrmashyl, qyzmeti jaǵynan únemi jaqsy jaǵynan kórinetin. Boryshyn óteýge kelgeli beri áskerı isti úırenýge erekshe ynta tanytyp júretin. Ata-anasynyń aıbyndy uly, naǵyz patrıot jáne qyzmettesteri arasynda úlgili azamat bolatyn. Qarýly Kúshter basshylyǵy men jeke quramy sarbazdyń otbasy men jaqyndaryna orny tolmas qazasyna ortaqtasyp, qaıǵyra kóńil aıtady», - delingen habarlamada.
Qorǵanys mınıstrliginiń tarapynan áskerı qyzmetshiniń otbasyna kómek kórsetý boıynsha barlyq qajetti sharalar qabyldanatyny habarlandy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir