• USD 468.56

  • EUR 497.56

  • RUB 7.3

  • CNY 67.18

09 Aqpan, 06:42:03
Almaty
-1°

Uly jazýshy Muhtar Áýezovtyń: «Jer betinde ýnıversıtetteı qasıetti oryn sırek, onsyz eldiń órkenıeti olqy soǵady. Ýnıversıtet beıne  pormeteı alaýy syndy bilim qýǵandarǵa óz shuǵylasyn shashyp turady», degeni bar. Kemeńgerdiń osy oı ushyǵynan-aq, ýnıversıtettiń ult órkenıetindegi teńdessiz úlesin baǵamdaýǵa bolady.

Al qazaq órkenıeti men ǵylym-bilimi úshin Ál-Farabı atyndaǵy QazUÝdyń alar orny tym bólek. Búginde ál-Farabı atyndaǵy QazUÝ erekshe mártebesi bar Qazaqstannyń jetekshi klassıkalyq ýnıversıteti sanalady. Ýnıversıtet  joǵary kásibı, joǵary oqý ornynan keıingi bilim men ǵylymdy ınnovasııalyq damytýdyń ulttyq kóshbasshysy bolyp keldei.

El ǵylymynyń ejelgi rodasy sanalatyn qasıetti oqý oryny bıyl da tolaǵaı tabystarǵa qol jetkizdi. Aıtalyq alǵash ret Qazaqstandyq ýnıversıtet — ál-Farabı atyndaǵy QazUÝ álemdegi 800 eń úzdik ýnıversıtetter arasynda joǵary orynǵa ıe bolyp, QS «World University Rankings» halyqaralyq reıtıngisinde taǵy joǵary orynǵa alǵa shyqty. Bul topqa postkeńestik keńistikten tek eki ýnıversıtet kiredi: QazUÝ jáne Lomonosov atyndaǵy Máskeý memlekettik ýnıversıteti (RF). Bul jetistik álemdik órkenıettiń kóshine ilesip, dúnıe damýyna ózindik úles qosyp kele jatqanymyzdy aıǵaqtaıdy.

Prezıdent Qazaqstannyń joǵary oqý oryndaryna álemdegi eń úzdik 200 JOO qataryna kirý mindetin qoıyp otyr. QazUÝ álemdik keńistikte moıyndalǵan elimizdiń jetekshi ýnıversıteti retinde osy mańyzdy memlekettik tapsyrmany iske asyrýda maqsatty jumys atqarýda. Sońǵy bes jylda ýnıversıtet «QS WUR» reıtıngisinde 400-den astam pozısııaǵa kóterildi. Álemdik tájirıbede birde-bir ýnıversıtet osyndaı ósý dınamıkasyna qol jetkizip kórmepti.

QazUÝ-dyń osy reıtıngide tabysty ilgerileýiniń mańyzdy faktory keń aýdymqy qurylymdyq modernızasııa, nátıjege baǵyttalǵan basqarýdyń joǵary tıimdiligi, sondaı-aq sońǵy bes jyl ishinde 40 paıyzǵa ósken biregeı ınfraqurylymnyń qarqyndy damýy bolyp tabylady. Álemdik deńgeıdegi zertteý ýnıversıtetine aınalý baǵytyn saqtaı otyryp, QazUÝ medısına-bıologııalyq jáne ınnovasııalyq IT klasterin qalyptastyrý boıynsha jumys jasaýda, onyń negizin jańa sýperkompıýter quraıtyn bolady. Osy keshendi jobalar keleshekte el damýynada ózindik yqpal etedi dep senemiz.

Búginde QazUÝ-dyń tańǵalarlyq tájirıbesin álemniń jetekshi ýnıversıtetteri zertteý ústinde, bul ýnıversıtettiń joǵary básekege qabilettiliginiń kórsetkishi bolyp tabylady. Jetekshi qazaqstandyq joǵary oqý ornynyń álemdik ǵylymı-bilim berý keńistigindegi artyp kele jatqan rólin eskere otyryp, «QS Worldwide» Atqarý keńesi 2019 jyldyń qyrkúıeginde ál-Farabı atyndaǵy QazUÝ negizinde búkilálemdik forým jáne joǵary oqý oryndarynyń halyqaralyq kórmesin ótkizý týraly sheshim qabyldady. Osyndaı aýqymdy is-sharany ótkizý Qazaqstannyń ósip kele jatqan bedelin aıǵaqtaıdy jáne eldiń joǵary bilim berý júıesin álemde alǵa jyljytýǵa yqpal etetin bolady. Ál-Farabı atyndaǵy QazUÝ 2020 jylǵa deıin BUU «Akademııalyq yqpal» baǵdarlamasynyń ǵalamdyq habyna jetekshilik etetin boldy. Bul sheshim ýnıversıtettiń turaqty damý salasyndaǵy tabysty basshylyq qyzmetiniń qorytyndysy negizinde qabyldandy. Biz  súıikti bilim jurtymyzdyń jahandyq órkenıetke úzdik úles qosatyndyǵyna senemiz. Aldaǵy ýaqyttada qazaq ǵylymynyń qarashańyraǵy sanalatyn bizdiń ýnıversıtet álemdik básekege qabileti el quý muratyna berik irge tas bola alatyndyǵy shúbásiz.

Toqsanbaeva Nurgúl Qorǵadjanqyzy. psıhologııa ǵylymdarynyń doktory, Ál-Farabı atyndaǵy QazUÝ-niń jalpy jáne qoldanbaly psıhologııa kafedrasynyń professory

Zakarıanova Shynar Nýrbekovna. Pedagogıka ǵylymdarynyń kandıdaty, Ál-Farabı atyndaǵy QazUÝ-niń jalpy jáne qoldanbaly psıhologııa kafedrasynyń  aǵa oqytýshysy

"Qamshy" silteıdi
Ilmek sózder: QazUÝ

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir