Álemniń 37 elinen 44 sheteldik BAQ Toqaev shtabyna keldi

Qasym-Jomart Toqaevtyń Respýblıkalyq qoǵamdyq shtabyna sheteldik buqaralyq aqparat quraldarynyń ókilderi men halyqaralyq baıqaýshylar keldi.

Shtabqa álemniń 37 elinen 44 sheteldik BAQ ókili keldi. Olardyń qatarynda AQSh, Kanada, Ulybrıtanııa, Reseı, Túrkııa, Belgııa, Ispanııa, Avstrııa, Shveısarııa, Koreıa, Úndistan jáne t.b. elderden kelgen jýrnalıster bar.

«AMANAT» partııasynyń Atqarýshy hatshysy Ashat Oralov olardy úgit-nasıhat jáne taldaý ortalyqtarynyń, kandıdattyń qoǵamdyq qabyldaý bólmesiniń, medıa-shtabtyń, senimdi ókilderdiń jumysyn úılestirý ortalyǵynyń, baıqaýshylar shtaby men arnaıy jastar alańynyń jumysymen tanystyrdy.

«Bul – kópfýnksıonaldy, joǵary tehnologııalyq ortalyq. Osy jerde saılaý naýqany kezinde belgili bir sheshimderdi jedel qabyldaýǵa múmkindik jasaldy. Qasym-Jomart Toqaevty qoldaý jónindegi Halyqtyq koalısııaǵa kirgen uıymdardyń ókilderi bir aı boıy, kúni-túni jumys istedi. Shtab jumysy ashyqtyq qaǵıdattaryna saı jáne zań talaptaryn qatań saqtaı otyryp uıymdastyryldy», - dep atap ótti Ashat Oralov.

Kezdesý qorytyndysynda sheteldik BAQ ókilderine arnap brıfıng ótkizildi. Onyń barysynda «AMANAT» partııasynyń Atqarýshy hatshysy jýrnalısterdi qyzyqtyrǵan barlyq suraqqa jaýap berdi.

Sondaı-aq, saılaýaldy kezeńdegi shtab qyzmetimen Táýelsiz Memleketter Dostastyǵy Parlamenttik Assambleıasynyń, Ujymdyq qaýipsizdik týraly shart uıymynyń, Islam Yntymaqtastyǵy Uıymynyń jáne Amerıka Qurama Shtattarynyń jáne t.b. halyqaralyq baıqaýshylary da tanysty.

Aıta keteıik, úgit-nasıhat naýqany kezinde Qasym-Jomart Toqaevtyń jaqtastary 42 qala men 5000-nan astam aýyldy aralady. Olar ótkizgen 24 myń úgit-nasıhat is-sharasyna 3 mıllıon saılaýshy qatysty. Kezdesýler barysynda azamattardan 40 myńnan astam usynys pen tilek jınaldy.

bar.

«AMANAT» partııasynyń baspasóz qyzmeti