• USD 468.56

  • EUR 497.56

  • RUB 7.3

  • CNY 67.18

28 Naýryz, 20:44:00
Almaty
+35°

Almaty oblysynyń ortalyǵy Qonaev qalasynda «Konaev CUP - 2022» birinshi halyqaralyq shahmat týrınıri máresine jetti. Atalǵan saıysta О́zbekstan, Tájikstan, Ýkraına, Grýzııa, Qyrǵyzstan, Ázerbaıjan, Armenııa jáne Qazaqstannan 300-den astam oıynshy baq synady. 

Sporttyq jarystyń saltanatty ashylý rásimine oblys ákimi Marat Sultanǵazıev qatysty.

«Qonaev qalasy sporttyq oıyndardyń ortalyǵyna aınaldy. Buqaralyq sportty damytý-memleketimizdiń strategııalyq damý josparynyń basym baǵyttarynyń biri. Bolashaqta osyndaı iri sporttyq is-shara joǵary sanatty sportshylardy daıarlaý men tárbıeleýge yqpal etedi dep oılaımyn» dedi oblys ákimi Marat Sultanǵazıev óziniń quttyqtaý sózinde.

Foto: Almaty oblysy ákiminiń baspasóz qyzmeti

Sondaı-aq is-sharada Qazaqstandy álemdik arenada tanytqan grossmeısterler sóz sóıledi. Olardyń ishinde: Almaty oblysy shahmat jáne doıby federasııasynyń prezıdenti Saıat Egenberdıev, áıelder arasyndaǵy halyqaralyq grossmeıster, Azııa vıse-chempıony, jyldam shahmattan Azııa oıyndarynyń jeńimpazy Dınara Sádýaqasova, shahmattan QR qurama komandasynyń kapıtany, QR jáne Azııanyń birneshe dúrkin chempıony, halyqaralyq dárejedegi grossmeıster Rınat Jumabaev, birneshe dúrkin chempıon QR, 18 jasqa deıingi jastar arasynda álem chempıony, halyqaralyq dárejedegi sport sheberi Qazybek Nógerbek. Bas tóreshiler shahmattan QR eńbek sińirgen jattyqtyrýshysy Alma Ashırova boldy.

Oblystyq shahmat jáne doıby federasııasynyń prezıdenti Saıat Egenberdıev atap ótkendeı, mundaı shara óńirde alǵash ret bastaý alǵan jaıy bar.

«Oblys ákimi Qapshaǵaı sý qoımasynyń jaǵasynda "shahmat úıin" salý ıdeıasyn qoldady. Munda coworking-ortalyq, ozyq IT-tehnologııalarmen jabdyqtalǵan kabınetter, oıyn alańdary bolady dep josparlap otyrmyz. Munda oblystyń eń myqty jattyqtyrýshylary shahmattan sabaq beredi» dedi Saıat Egenberdıev.
Foto: Almaty oblysy ákiminiń baspasóz qyzmeti

«Men bul qalada alǵash ret keldim jáne alǵashqy áserler erekshe. Oblys basshylyǵynyń osyndaı qoldaýyn eskere otyryp, meniń oıymsha, shahmat isi qarqyndy damıtyn bolady. Jańa oblys ortalyǵy sporttyq is-sharalardyń ortalyǵyna aınaldy. Men jazda «Oceanman Kapchagay» jarysyna qatysýǵa daıyndaldym, biraq kestege baılanysty nátıje bermedi. Kelesi jylǵa mindetti túrde qatysýdy josparlap otyrmyn jáne jattyqtyrýshymen birge daıyndalamyn», dedi Dınara Sádýaqasova jýrnalısterge.

Sodan keıin kúni boıy Shveısarııa júıesi boıynsha sportshylar arasynda oıyndar ótti, shahmatshylar 9 kezeńnen ótýi kerek edi. Jalpy júlde qory 4 mln teńgeni qurady. 9 kezeńniń qorytyndysy boıynsha týrnırdiń bas Kýbogynyń jáne 500 myń teńgege aqshalaı sertıfıkattyń ıegeri ázirbaıjandyq shahmatshy Arkadıı Naıdıch atandy.

«Biz túrli halyqaralyq týrnırlerge qatystyq. Olardy salystyra otyryp, men týrnırdi joǵary deńgeıde ótkizgen uıymdastyrýshylarǵa alǵysymdy bildirgim keledi. Biz oıynnan basqa eshteńege alańdamadyq jáne bul osyndaı is-sharany ótkizýge atsalysqan barlyǵynyń eńbegi. Týrnır jyl saıyn ótedi dep úmittenemin jáne osy tamasha týrnır týraly estigennen keıin shahmatshylar kóbirek qatysady», dep atap ótti týrnır jeńimpazy.

Foto: Almaty oblysy ákiminiń baspasóz qyzmeti

Aıta keteıik, Halyqaralyq týrnırdi ótkizý kelesi jylǵa arnalǵan is-sharalar kúntizbesine engeni belgili boldy. Al oblys basshylyǵy Qapshaǵaı sý qoımasynyń jaǵasynda shahmatshylar alleıasyn salýdy josparlap otyr.

"Qamshy" silteıdi
Ilmek sózder: Konaev CUP - 2022

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir