• USD 465.38

  • EUR 483.58

  • RUB 7.69

  • CNY 64.95

27 Qarasha, 17:28:00
Almaty
-9°

Foto: Almaty oblysy ákiminiń baspasóz qyzmeti

Búgin Qonaev qalasynda balalar jylyna arnalǵan «Konaev CUP 2022» halyqaralyq shahmat týrnıri bastaldy. Sport dodasynyń saltanatty ashylý rásimine oblys ákimi Marat Sultanǵazıev qatysty.

Jyldam shahmat týrnırine О́zbekstan, Tájikstan, Ýkraına, Grýzııa, Qyrǵyzstan, Ázirbaıjan, Armenııa jáne Qazaqstannan jalpy sany 300-den astam sportshylar qatysyp jatyr. Onyń ishinde, 12 grossmeıster, 30 halyqaralyq dárejedegi sport sheberleri bar. Doda shveısarııalyq júıege saı ótedi. Týrnır 9 kezeńnen turady, 1 kún ǵana bolady. Ár sportshyǵa 10 mınýt 2 sekýnd ýaqyt beriledi. Jalpy júlde qory – 4 mln teńge. Jarysta jasy 4-ten asqan shahmatshylar baq synaıdy.

Foto: Almaty oblysy ákiminiń baspasóz qyzmeti

Sonymen qatar sharada Qazaqstandy tórtkúl dúnıege tanymal etip júrgen grossmeısterler boı kórsetti. Olar:
• Almaty oblysy shahmat jáne shashka federasııasynyń Prezıdenti Saıat Egenberdıev;
• Áıelder arasyndaǵy halyqaralyq grossmeıster, Azııa vıse-chempıony, jyldam shahmattan Azııa oıyndarynyń jeńimpazy, Álemdegi eń myqty ondyq tizimine engen Dınara Sadýaqasova;
• Shahmattan QR qurama komandasynyń kapıtany, QR jáne Azııanyń birneshe dúrkin chempıony, halyqaralyq dárejedegi grossmeıster Rınat Jumabaev;
• QR birneshe dúrkin chempıony, 18 jasqa deıigi jastar arasynda álem chempıony, halyqaralyq dárejedegi sport sheberi Qazybek Nógerbek;
• Búgingi týrnırdiń bas tóreshisi, Jansaıa Ábdýmáliktiń anasy, shahmattan QR eńbek sińirgen jattyqtyrýshysy Alma Ashırova;
• Oblystyq dene shynyqtyrý jáne sport basqarmasynyń basshysy Nurbaqyt Teńizbaev.

«Sizderdi Qonaev qalasynda kórgenime qýanyshtymyn. Qonaev qalasy búginde sporttyq is-sharalardyń ortalyǵyna aınaldy. Buqaralyq sportty damytý – memleketimizdiń strategııalyq damý josparynyń basym baǵyttarynyń biri. Osyndaı iri sporttyq shara bolashaqta joǵary dárejeli sportshylardy daıyndap, tárbıeleýge úlken septigin tıgizedi dep oılaımyn», - dedi quttyqtaý sózin alǵan oblys ákimi Marat Sultanǵazıev.

Foto: Almaty oblysy ákiminiń baspasóz qyzmeti

Saltanatty sharada óńir basshysy Almaty oblysynyń sportyn damytýǵa qosqan úlesi úshin 4 grossmeısterdi Alǵys hatpen marapattady.

«Qonaev qalasynda alǵash ret bolyp otyrmyn. О́te qýanyshtymyn, osyndaı keremet sharany ótkizip jatyr. Árıne, eń aldymen Almaty oblysy ákimdigine, shahmat federasııasyna alǵysymdy bildiremin. Shahmat týrnırin ótkizý – balalardyń, jasóspirimderdiń sheberligin shyńdaýda óte mańyzdy ról atqarady. Sebebi, bul sport túrinde jas aıyrmashylyǵyna mán berilmeıdi. Kishkentaı balaqaılar myqty grossmeısterlermen oınaýy múmkin. Bıyl dál osyndaı formatta Atyraý qalasynda da shahmat festıvali ótti. Keleshekte sport dodalary meılinshe jıi uıymdastyrylady dep oılaımyn», - dedi tilshilerge suhbat bergen grossmeıster Dınara Sádýaqasova.

Al oblystyq shahmat federasııasynyń Prezıdenti Saıat Egenberdıevtiń aıtýynsha, mundaı shara óńirde buryn-sońdy bolmaǵan.

«Ashylý saltanatynan soń oblys ákimimen sóılestik. Ol bizdiń Qapshaǵaı sý qoımasynyń jaǵalaýynda «Shahmat úıin» salý týraly ıdeıamyzdy qoldady. Bul jerde coworking ortalyǵy, aldyńǵy qatarly IT tehnologııamen jabdyqtalǵan kabınetter, oıyn alańdary bolady dep josparlap otyrmyz. Munda oblystaǵy myqty jattyqtyrýshylar shahmattan sabaq beredi», - dedi Saıat Egenberdıev.

Foto: Almaty oblysy ákiminiń baspasóz qyzmeti

Týrnırdiń alǵashqy oıyny Marat Sultanǵazıev pen Dınara Sádýaqasova arasynda ótti.

Derekkóz: Almaty oblysy ákiminiń baspasóz qyzmeti

"Qamshy" silteıdi
Ilmek sózder: «Konaev CUP 2022»

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir