Aýyl sharýashylyǵynda 350 myńnan astam jumys orny ashylady – Toqaevtyń baǵdarlamasy

Prezıdenttikke kandıdat Qasym-Jomart Toqaevtyń Respýblıkalyq qoǵamdyq shtabynyń músheleri Soltústik Qazaqstan oblysynyń turǵyndarymen birqatar kezdesý ótkizdi.

Peterfeld aýylyna barǵan Shtab músheleri jergilikti sharýalarmen kezdesti. Kezdesýde Respýblıkalyq qoǵamdyq shtab delegasııasynyń basshysy Máýlen Áshimbaev Qasym-Jomart Toqaevtyń saılaý aldyndaǵy baǵdarlamasynda aýyldy damytý jóninde naqty jáne júıeli sharalar qamtylǵanyn atap ótti.

«Qasym-Jomart Kemeluly Toqaevtyń saılaý aldyndaǵy baǵdarlamasynda aýyl jáne agrarlyq sektor – elimizdiń ornyqty ekonomıkasynyń negizi ekeni atap kórsetilgen. Aýylda turý, jumys isteý jaıly ári tıimdi bolýy úshin aýyldyq jerlerdi jáne aýyl sharýashylyǵyn jandandyrý basym mindetterdiń biri retinde belgilendi. Sonyń aıasynda aýylsharýashylyq kooperatıvterin uıymdastyrýǵa arnalǵan aýqymdy joba iske asyrylady. Aýyl sharýashylyǵy tehnıkasyn lızıngke alý, shaǵyn nesıe alý jáne iri qaladaǵy ótkizý naryǵyna qol jetkizý úshin jeńildikter beriledi. Sondyqtan soltústikqazaqstandyqtar Qasym-Jomart Kemeluly Toqaevtyń baǵdarlamasyn qoldap, 20 qarashada bizdiń kandıdatqa daýys beredi dep senemiz», – dedi Máýlen Áshimbaev.

Saılaý aldyndaǵy baǵdarlamada kooperatıvtik kásipkerlikke barlyq jeke qosalqy sharýashylyqtyń jartysyn tartý jóninde aıtylǵan. Sonyń nátıjesinde aýyl sharýashylyǵynda 350 myńnan astam sapaly jumys orny paıda bolady.

Sondaı-aq uzyndyǵy 3,5 myń shaqyrym bolatyn sýarý kanaldary qaıta jóndeledi. Jańa 25 sý qoımasy salynyp, qoldanystaǵy 16 sý qoımasy jóndeýden ótkiziledi.

RQSh músheleri Beskól aýylynda da jurtshylyqpen kezdesip, kandıdattyń baǵdarlamasynda kórsetilgen óńirlerdiń ınfraqurylymyn damytýǵa qatysty sharalardy talqylady. Máselen, aldaǵy 7 jylda eldi mekenderdiń 100 paıyzy sýmen jabdyqtaý júıesimen qamtamasyz etiledi. Odan bólek, oblystyq, aýdandyq mańyzy bar 14 myń shaqyrym avtojol sapaly salynyp, jóndeledi.

Petropavl qalasynda Kozybayev University ýnıversıtetinde jastarmen kezdesý ótti. Is-shara barysynda Shtab músheleri Qasym-Jomart Toqaev jastarǵa qoǵamdaǵy ózgeristerdiń negizgi qozǵaýshy kúshi retinde úlken senim artatynyn jáne elimizdiń barlyq jas azamatyn óz qabiletin tolyq júzege asyrýy úshin áleýmettik-ekonomıkalyq teń múmkindiktermen qamtamasyz etetinin aıtty.

Sonymen qatar óńirge kelgen RQSh músheleri jergilikti sarapshylarmen birge azamattardyń quqyqtaryn qorǵaýǵa, sybaılas jemqorlyqqa qarsy is-qımylǵa jáne memlekettik apparattyń tıimdiligin arttyrýǵa qatysty bastamalardy talqylady. Al «Raduga KDR» óndiris kompanııasynyń jáne «Alageum Electric» elektrotehnıkalyq zaýytynyń ujymdarymen kezdesýde Shtab músheleri saılaý aldyndaǵy baǵdarlamada aıtylǵan jumysshy quqyqtary memlekettiń qatań qadaǵalaýymen jáne kúshti kásipodaqtarmen qamtamasyz etiletin básekege qabiletti ári qaýipsiz eńbek ortasyn qurý máselesine nazar aýdardy.

Daıyndaǵan: Respýblıkalyq qoǵamdyq shtab
Astana qalasy, Qonaev 12/1.
Tapsyrys berýshi: M.J. Ospanov.
Qazaqstan Respýblıkasy Prezıdenttigine úmitker Q.K.Toqaevtyń saılaý qorynan tólendi.