• USD 472.68

  • EUR 466.91

  • RUB 8.01

  • CNY 66.45

05 Qazan, 08:28:15
Almaty
+9°

QR Bas memlekettik sanıtarııalyq dárigeri qyzmetin atqarǵan Erlan Qııasov jańa laýazymǵa taǵaıyndaldy. Bul týraly Ulttyq saraptama ortalyǵy resmı saıtynda habarlady. 

"Erlan Qııasov Qazaqstan Respýblıkasy Densaýlyq saqtaý mınıstrligi Sanıtarııalyq-epıdemıologııalyq baqylaý komıteti Ulttyq saraptama ortalyǵynyń Basqarma tóraǵasy bolyp taǵaıyndaldy", delingen habarlamada. 

Erlan Qııasov 1973 jyly Almaty qalasynda dúnıege kelgen. QazMMÝ, Ortalyq Azııa ýnıversıtetin, ál-Farabı atyndaǵy QazUÝ, «Turan-Astana» ýnıversıtetin bitirgen.

Eńbek jolyn 1990 jyly Almaty qalasyndaǵy «Jedel járdem aýrýhanasynyń» jansaqtaý bóliminde sanıtar bolyp bastady.

1997-1999 jj. Almaty qalasyndaǵy Qazaqstan Respýblıkasynyń Áýe kóligi ortalyq sanıtarııalyq-epıdemıologııalyq stansııasynyń sanıtar dárigeri, epıdemıology bolyp eńbek etti.

1999 jyldan 2020 jylǵa deıin Qazaqstan Respýblıkasy Prezıdenti Is Basqarmasynyń Medısınalyq ortalyǵynyń qurylymynda – sanıtarııalyq-epıdemıologııalyq stansııasynyń jalpy gıgıena boıynsha dárigeri, jedel bólim meńgerýshisi, sanıtarııalyq-epıdemıologııalyq qadaǵalaý basqarmasy epıdemıologııalyq bólimniń meńgerýshisi,  «Sanıtarııalyq-epıdemıologııalyq saraptama ortalyǵy» RMK dırektory, QR Prezıdenti Is basqarmasy Medısınalyq ortalyǵy meńgerýshisiniń orynbasary boldy.

2020-2022 jj. Qazaqstan Respýblıkasy Densaýlyq saqtaý vıse-mınıstri – Qazaqstan Respýblıkasynyń Bas memlekettik sanıtarııalyq dárigeri qyzmetin atqardy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir