Elde tutyný nesıelerin alý sharttaryn qatańdatý usynylyp otyr. Qarjylyq monıtorıng agenttigi talqyǵa shyǵarǵan qujatta joba tutyný nesıesi shamadan tys kóbeıip ketýine jol bermeý, halyqtyń qaryz júktemesin shekteý úshin jasalǵany aıtylady.
Usynylǵan qujatqa saı, qaryz júktemesi koeffısentin barlyq derlik nesıe túrleri men mıkronesıege engizý kózdelgen. Jańashyldyqtyń tek qaryz somasyn tolyq óteıtin jyljymaıtyn múlik kepilge qoıylǵan nesıe túrlerine, bilim salasyndaǵy nesıelendirý men turǵyn-úı jınaǵy júıesine qatysy joq.
Qazirgi redaksııa boıynsha bankter qaryz alýshynyń tabysy kúnkóris deńgeıinen (2022 jyly 37 389 teńge) tómen bolsa, otbasynyń kámeletke tolmaǵan ár múshesine kúnkóris deńgeıi sommasynyń jartysy sáıkes kelse, qaryz júktemesi koeffısenti shekti mánnen assa, nesıe berýden bas tarta alady.
Jańa redaksııada qaryz alýshy osy jaǵdaıdyń birine sáıkes kelse, bankterge oń sheshim qabyldaýǵa tyıym salý usynylyp otyr.
Qujatty talqylaý 24 tamyzǵa deıin jalǵasady.
Pikir qaldyrý
pikir