Kórneki sýret
Almatyda dosynyń kámeletke tolmaǵan qyzyn zorlamaq bolǵan er adam 15 jylǵa sottaldy, – dep habarlady ishki ister mınıstrliginiń resmı ınternet resýrsy.
"Tergeý barysynda anyqtalǵandaı, M.esimdi azamat týystarymen janjaldasyp, dosynyń úıine túneýge kelgen. Barlyǵy uıyqtap ketken soń qonaq bólmede dosynyń 11 jastaǵy qyzyn kórip, ony zorlamaq bolǵan. Bala sasqalaqtap qalmady, aıǵaılaı bastady. Onyń kómek suraǵanyna ákesi men aǵasy jaýap berdi. Olar polısııa shaqyrdy, bul kúdiktini qylmys ornynda jedel ustaýǵa múmkindik berdi. Keıin ol qamaýǵa alynyp, ýaqytsha ustaý ızolıatoryna aýystyryldy" delingen habarlamada.
Kúdiktige qylmystyq kodekstiń 24-baby 3-bóligi, QR QK-niń 120-baby 4-bóligi (Zorlaýǵa oqtalý) boıynsha qylmys jasady degen aıyp taǵylyp, Alataý aýdandyq soty kúdiktini 15 jylǵa bas bostandyǵynan aıyrý jazasyn kesti. Qylmysker jazasyn qatań rejımdegi túzeý kolonııasynda óteıdi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir