Foto: BBC
Qazaqstandyqtar maımyl sheshegine qarsy vaksına alýǵa mindetti emes.Bul týraly Densaýlyq saqtaý vıse-mınıstri Aıjan Esmaǵambetova Ortalyq kommýnıkasııalar qyzmetinde ótken baspasóz máslıhatynda málimdedi.
"Dúnıejúzilik densaýlyq saqtaý uıymynyń maımyl sheshegine qatysty túrli boljamdary bar. Alaıda, barlyq halyqqa vaksına salý mindetti emes. Maımyl shesheginiń taralýyna qatysty qazirgi qaýip Eýropa elderine qatysty bolyp otyr. Basqa elderde qaýip ortasha jáne tómen. Qazaqstan maımyl shesheginiń taralý qaýpi boıynsha neǵurlym tómen elge jatady. Tek osal toptardy vaksınalaýǵa bolady. Olar maımyl sheshegimen aýyratyn naýqastardy emdep jatqan medısınalyq qyzmetkerler men naýqaspen jaqyn qarym-qatynasta bolǵan adamdar", dedi Aıjan Esmaǵambetova.
Vıse-mınıstr maımyl sheshegine qarsy arnaıy vaksına álemde joq ekenin atap ótti. Tek tabıǵı sheshekke qarsy vaksına bar. DDSU maımyl sheshegine qarsy osy vaksınany egýge bolady dep keńes bergen.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir