• USD 475.94

  • EUR 483.98

  • RUB 7.94

  • CNY 70.09

19 Tamyz, 19:49:30
Almaty
+22°

Qarjylyq monıtorıng agenttigi reıderlik tárkileýmen aınalysqan bir top adamnyń áreketin toqtatqanyn habarlady. 

Agenttik málimetinshe, 2022 jylǵy 14 shildede birneshe adam qylmystyq kodekstiń 128-babyna sáıkes qylmystyq is-áreket epızodtarynyń biri boıynsha ustalyp, ýaqytsha ustaý ızolıatoryna qamalǵan. Olar:

- Tanashev Tımýr Serjanuly, 1983 jyly týǵan;
- Babaev Raýan Tımýruly, 1992 jyly týǵan;
- Altybasarov Ańsar Muratuly, 1990 jyly týǵan;
- Abıjanov Dastan Mádıuly, 1977 jyly týǵan.

15 shildede Almaty qalasy mamandandyrylǵan tergeý soty atalǵan azamattardy 2 aı merzimge qamaýǵa alý túrindegi bultartpaý sharasyn sanksııalaǵan.
  
"Sonymen birge, sot Qospaev Eldos Aıdynǵalıulyna izdeý jarııalap, qamaýǵa alý týraly bultartpaý sharasyn tańdady. Qospaev Aıdos Aıdynǵalıuly men Shalın Rýslan Evgenıevıch kúdikti dep tanyldy. Qurmetti azamattar! Eger siz atalǵan tulǵalardyń zańsyz áreketterinen zardap shekken bolsańyz, Qarjylyq monıtorıng agenttiginiń senim telefondaryna nemese aýmaqtyq ekonomıkalyq tergeý basqarmalaryna habarlasýyńyzdy suraımyz." deıdi agenttiktegiler.

Orda.kz basylymy Eldos Qospaev eks-prezıdent Nursultan Nazarbaevtyń inisi Bolat Nazarbaevtyń oń qoly ekenin, sáýir aıynda elden ketkennen áli kelmegenin jazady. Basylym dereginshe, Qospaev atalǵan istegi basty kúdikti bolýy múmkin.

"Qamshy" silteıdi
Ilmek sózder: Reıderlik tárkileý

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir