Rasýl Jumaly dıplomatııalyq qyzmetke qaıta oraldy

Saıasattanýshy Rasýl Jumaly elshilik qyzmetke qaıtyp bardy.

"Memleket basshysynyń Jarlyǵymen Rasýl Bereketuly Jumaly Qazaqstan Respýblıkasynyń Lıvan Respýblıkasyndaǵy Tótenshe jáne О́kiletti Elshisi laýazymyna taǵaıyndaldy" delingen Aqorda saıtyndaǵy aqparatta.

Rasýl Bereketuly Jumaly  1971 jyly 15 aqpanda Almaty qalasynda dúnıege kelgen. Ál-Farabı atyndaǵy Qazaq Memlekettik ýnıversıtetiniń Shyǵystaný fakýltetin bitirgen. 1992-2007 jyldar aralyǵynda dıplomatııalyq qyzmette: Qazaqstan Respýblıkasynyń Syrtqy ister mınıstrliginde jáne Úkimetinde, sondaı-aq Mysyr, Birikken Arab Ámirlikteri, Izraıl, Lıvııa, birqatar basqa memleketterdegi Qazaqstan elshiliginde jumys atqarǵan.

"Eksklıýzıv" jýrnalynyń bas redaktory bolǵan.

Rasýl Jumaly qoǵamdyq belsendiligimen, saıası saraptamalarymen, til janashyry retinde belgili. Memlekettik qyzmetten ketken soń bılik saıasatynyń kelispeıtin tustaryn, kemshilikterin áleýmettik jelide, suhbattarynda, maqalalarynda ashyq aıtyp, bılikke synshyl saıasattaný retinde tanyldy. 2019 jylǵy prezıdent saılaýynda úmitker Ámirjan Qosanovtyń komandasynda boldy. Q.Toqaev bılikke kelýimen prezıdent bastamashyl bolǵan ulttyq qoǵamdyq senim keńesine endi, burynǵy NurOtan qazirgi Amanat partııasynyń is-sharalary týraly eksperttik pikirin bildirip júrdi.