• USD 470.9

  • EUR 496.94

  • RUB 8.83

  • CNY 70.33

25 Maýsym, 05:30:54
Almaty
+15°

Qazaqstan Respýblıkasynyń Prezıdenti Qasym-Jomart Toqaevtyń 2022 jyldy "balalar jyly" dep jarııalaý týraly Jarlyǵyna sáıkes, Shyǵys Qazaqstan oblysynda jergilikti atqarýshy organdar men qutqarýshylar birlesken is-shara ótkizdi. О́skemen qalasy №7 órt sóndirý bóliminde jas qutqarýshylar men qalanyń órt sóndirý mektepteriniń komandalary arasynda jarys ótti.

Foto: ShQO Aqparat ortalyǵy

Balalar qaýipsizdigi – bala tárbıesiniń mańyzdy bóligi. Demalystardy oqys oqıǵasyz ótkizý úshin ShQO qutqarýshylary balalardy tótenshe jaǵdaılarda ózin ustaý erejelerine daıyndap, úıretedi.

– Búgingi qutqarýshylar men órt sóndirýshiler týrnıri Qazaqstandaǵy bala jyly qarsańynda ótip otyr. Osy is-shara arqyly biz balanyń qaýipsizdigi máselesi árqashan ata-analar men qoǵam, bılik ókilderi úshin birinshi kezekte turýy tıis ekenine nazar aýdarǵymyz keledi, – deıdi ShQO bilim basqarmas "Daryn" ortalyǵy dırektorynyń orynbasary Elena Shımına.

Jarysqa 150-den astam oqýshy qatysty. Balalar shartty órtti sóndire otyryp, kedergiler jolaǵynan ótý, alǵashqy medısınalyq kómekti saýatty kórsetý, qaýipsizdik plakatyn ázirleý jáne qoldan buıymdar jasaý sııaqty tapsyrmalar berildi.

Foto: ShQO Aqparat ortalyǵy

Foto: ShQO Aqparat ortalyǵy

– Balalar jasaǵynyń jarystary 15 jyldan astam ýaqyt boıy ótkizilip keledi, biraq 2022 jyl balalar jyly dep jarııalanǵandyqtan bıylǵy is-shara erekshe sıpatqa ıe. Is-sharaǵa balalardyń kóptep qatysqany qýantady, óıtkeni is-shara erte jastan bastap ártúrli tótenshe jaǵdaılarda áreket etý daǵdylaryn qalyptastyrýdy kózdeıdi, – dep atap ótti TJ basqarmasynyń aǵa ofıseri Valentın Lıtvınenko.

Foto: ShQO Aqparat ortalyǵy

Kedergilerden ótý boıynsha № 4 orta mekteptiń oqýshylary úzdik nátıje kórsetti. Al № 42 mekteptiń balalary alǵashqy kómek kórsetýde ózderin jaqsy bilimderin tanyta bildi. Qazylar alqasy № 35 mektep oqýshylaryn eń erekshe qolónerge laıyq dep tapty. Al órt sóndirýshilerdiń jumysyn ázilmen kórsetken № 29 mekteptiń vızıt kartochkasy úzdik dep tanyldy.

– Búgin alǵan bilimim bolashaqta qajetime qarap qalýy múmkin. Mysaly, men sýǵa batyp bara jatqan adamǵa qalaı kómektesýge bolatynyn nemese birdeńe janyp tursa, órtti qalaı sóndirýge bolatynyn bilemin, – deıdi jarysqa qatysýshy Bazıl Alı.

Is-shara sońynda qorytyndy shyǵarylyp, jeńimpaz komandalar marapattaldy. Jalpy komandalyq esepte birinshi oryndy №20 mekteptiń qurama komandasy, ekinshi oryndy № 3 mekteptiń komandasy, úshinshi oryndy № 22 mekteptiń komandasy ıelendi. Jeńimpazdarǵa gramotalar jáne kýboktar tabystaldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir